Ticarət mərkəzləri və "mall"ların fəaliyyəti nə zaman bərpa ediləcək? - AÇIQLAMA

Son günlər ərzində koronavirusa yoluxanların sayında azalma müşahidə edilir. Karantinlə bağlı bəzi qadağalar aradan qaldırılsa da ticarət mərkəzləri və "mall"ların fəaliyyəti hələ də bərpa edilməyib. Bəs görəsən bu məsələ ilə bağlı tətbiq edilən qadağalar aradan qaldırıla bilərmi?

Mövzu ilə bağlı Sonxeber.az-ın suallarını İqtisadçı millət vəkili Azər Badamov cavablayıb. Millət vəkili bildirib ki, koronavirusa gündəlik yoluxanların sayında müşahidə edilən azalma dinamikası sevindirici haldır. Amma nəticələr hələ də yüksək olmaqda qalmaqdadır. Ona görə də Operativ Qərargah tərəfindən tətbiq olunmuş bir sıra məhdudiyyətlər qüvvədə qalır: "Ticarət mərkəzləri, metro və digər müəsisələr fəaliyyət göstərmir. Təbii ki, müəsisələrin fəaliyyət göstərməməsi həm o müəsisələrdə çalışanlar üçün , həm də həmin müəsisələrin xidmətlərindən yararlanan şəxslər üçün çətinlik yaradıb. Sual olunur ki, nə vaxt ticarət mərkəzləri və digər müəsisələrin fəaliyyətləri bərpa oluna bilər. Bu sualın cavabı çox sadədir, tezliklə hamı vaksinləşməlidir".

Deputat bəzi vacib məqamlara da toxunub: "Mütəxəsislər qeyd edirlər ki, insanların 70%-dən çoxu peyvənd olunarsa koronavirus infeksiyasının insan həyatı üçün təhlükəsi azalır. Yəni, biz adi gündəlik həyata qayıtmaq istəyiriksə peyvəndlənməyən insanları da başa salıb peyvən olunmağa göndərməliyik. Dünya praktikasında məsələn, İzraildə peyvəndlənmə başa çatdığına görə tətbiq olunmuş bütün məhdudiyyətlər ləğv olunub. Hətta tibbi maskanın taxılmasının məcburiliyi də ləğv olunub. Bu o deməkdir ki, peyvənd vurmamış insanlar qısa bir müddətdə peyvənd olunarsa həyatınmız normal yaşayışa qayıdacaq.

Telegramda izləyin