Tibbi maska xəstəlikdən qorumur? - AÇIQLAMA

Son günlər sosial şəbəkələrdə alimlərin tibbi maskanın xəstəlikdən qorumadığını dedikləri barədə yazılara rast gəlirik. Bu sözlər insanları narahat edir. Belə bir sual yaranır ki, əgər maska bizi xəstəlikdən qorumursa, ondan istifadə etmək nəyə lazımdır?

Məsələ ilə bağlı Sonxeber.az-a açıqlama verən infeksionist Nicat Əzimli bildirib ki, maskadan istifadə, xüsusilə də xəstə şəxsin maska taxması xəstəliyin ətrafdakı digər insanlara keçməsinin qarşısını qismən alır:

"Bu, statistik tədqiqatlarla təsdiqini tapmış dəqiq məlumatdır. Tibbi maska vaksindən sonra ən effektiv preventiv mübarizə metodudur. Koronavirusun sonuncu dalğada dominant olan Delta variantının yoluxuculuq xüsusiyyəti öncəki variantlardan dəfələrlə yüksək olduğu üçün maskaların da qoruyuculuq xüsusiyyəti, buna müvafiq olaraq, zəifləyib. Lakin yenə də maskasız kontakt hər zaman daha risklidir".

Zaira Akifqızı

Telegramda izləyin