"Neftçi" liderliyə yüksəldi - VİDEO + YENİLƏNİB

Futbol üzrə Azərbaycan Premyer Liqasında VI turun daha bir oyunu keçirilib.

Günün ikinci matçında son çempion "Neftçi" "Səbail"in qonağı olub.

Qarşılaşma flaqmanın 3:1 hesablı qələbəsi ilə başa çatıb. "Ağ-qaralar"ın heyətində Yusuf Laval 26-cı dəqiqədə hesabı açıb. Qonaqların yeni transferi Tiaqo Bezerra 45+1-ci dəqiqədə fərqi iki topa çatdırıb. Braziliyalı hücumçu 78-ci dəqiqədə özünün ikinci komandasının üçüncü qoluna imza atıb.

Qələbə sayəsində xallarının sayını 13-ə çatdıran "Neftçi" birinci pilləyə yüksəlib. Bir oyun az keçirən "Qəbələ" və "Qarabağ" 11 xalla 2-3-cü yerləri bölüşdürür. "Səbail" isə 6 xalla 5-ci sıradadır.

Qeyd edək ki, günün ilk görüşündə "Keşlə" evdə "Sabah"ı 2:0 hesabı ilə üstələyib. İlk oyun günündə "Zirə" evdə "Sumqayıt"ı məğlub edib - 1:0. Tura oktyabrın 3-də oynanılacaq "Qarabağ" - "Qəbələ" qarşılaşması ilə yekun vurulacaq.

***
20:31

Futbol üzrə Azərbaycan Premyer Liqasında VI tur davam edir.

Sonxeber.az xəbər verir ki, günün ilk matçında "Keşlə" "Sabah"ı qəbul edib.

"ASK Arena"da keçirilən görüş meydan sahiblərinin 2:0 hesablı qələbəsi ilə yekunlaşıb. "Keşlə"nin ilk qolunu 3-cü dəqiqədə Merab Giqauri vurub. 90+5-ci dəqiqədə isə Felipe Santos fərqlənib.

Bu mövsüm ilk qələbəsini qazanan "Keşlə" 4 xalla 7-ci pilləyə yüksəlib. "Sabah" isə 1 xalla sonuncu - 8-ci yerdədir.

İlk oyun günündə isə "Zirə" evdə "Sumqayıt"ı 1:0 hesabı ilə məğlub edib. Tura oktyabrın 3-də oynanılacaq "Qarabağ" – "Qəbələ" qarşılaşması ilə yekun vurulacaq.

Telegramda izləyin