İngilis mediası kral ailəsinin səhər yeməyindən yazdı

Böyük Britaniyanın əsas ailəsi qidalanma məsələlərində diqqətli olması ilə fərqlənir və səhər yeməyinə xüsusi önəm verir. İngilis mediası bu dəfə kral ailəsinin səhər yeməyi ilə bağlı yazı hazırlayıb.

Axşam.az xəbər verir ki, kraliça II Elizabet ənənələrə hər zaman sadiq olması ilə diqqət çəkib. O, səhər yeməyində bir qab eyni yeməyi yeməyə üstünlük verir. Kraliça günə bir stəkan çay və şirniyyatla başlayır. Daha sonra cemli tost yeyir. Çox nadir hallarda özünə göbələkli omlet yeməyə imkan verir. Yumurtanı sevən kraliça yalnız sarısını yeməyə üstünlük verir. Hisə verilmiş balıq isə kraliçanın 70 ildir sadiq qaldığı dadlar arasındadır.

Şahzadə Çarlz ümumiyyətlə səhər yeməyini ötürür. Bu onun üçün lazımsız dəbdəbədir. Lakin o, masada əyləşibsə, portağal suyu, təzə meyvə dilimləri, smuzi, dənli tost, altı növ bal, qaynadılmış yumurta, kənd südünə üstünlük verir. Yeməklərin bişmə dərəcəsinə həssas yanaşan Çarlz yumurtanın 4 dəqiqədən artıq qaynadılmasını sevmir.

Keyt Middlton günə tez-tez yaşıl smuzi ilə başlayır. Smuz ispanaq, keşniş, yaban mərsini və yaşıl çay yarpaqları ilə hazırlanır. Bundan sonra özünə yulaf əzməsi yeməyə icazə verir. Uşaqlarının səhər yeməyində isə dənli bitkilərə və almaya üstünlük verir. Həyat yoldaşı şahzadə Uilyam isə ətli və kalorili yeməkləri tərcih edir.

Uilyamın kiçik qardaşı Harri də "fast-food"a üstünlük verir. O, tez-tez kartof qızartması, çizburger və hamburger yemək istədiyini dilə gətirir. Həyat yoldaşı Meqan Mark da qeyri-sağlam qidalar yeyir.

Telegramda izləyin