171 nömrəli avtobusun sürücüsünü hansı cəza gözləyir?

Xəbər verdiyimiz kimi, bu gün saat 08:00 radələrində aerport yolunda 171 nömrəli marşrutla yük avomobilinin toqquşması nəticəsində ağır qəza baş verib. İlkin məlumata görə, qəza nəticəsində 5 nəfər ölüb, 20 nəfər yaralanıb. Qeyd edək ki, qəzaya səbəb yük avtomobilinin sürücüsünün sükan arxasında yuxulu olması, zolaqdan çıxaraq sərnişin avtobusuna çırpılması olub.
Bəs avtobus sürücüsünü hansı cəza gözləyir?

Məsələ ilə bağlı Sonxeber.az-a açıqlama verən vəkil Qənbərov Əziz bildirib ki, ölüm varsa, bütün hallarda azadlıqdan məhrum etmə mövcuddur:

"Əvvəlcə həmin hadisənin qarşısını almağa texniki cəhətdən kimin imkanının olub-olmaması araşdırılacaq. Ola bilsin ki, avtobus sürücüsünün günahı olmasın və günah kamaz şoferində olsun. Bu baxımdan da qəzanın qarşısının alınmasına kimin imkanının olması məsələsi araşdırılacaq və ekspertizanın rəyi ilə müəyyən ediləcək.

Günahın kimdə olduğu müəyyən edildikdən sonra cinayət məcəlləsinin 263-cü maddəsinin bir çox halları araşdırılacaq. Çünki orada bir neçə maddənin təsiri altına düşmə imkanı var. 263-cü maddənin hansı bəndinə əsasən cəzanın verilməli olduğu müəyyənləşdirilməlidir.Daha sonra qoyulacaq konkret maddədən asılı olaraq, həmin şəxsə nə qədər iş düşəcəyi bilinəcək.

Bunlar bəlli olmadığı halda cəzanın nə qədər olacağını bilmək mümkün deyil. Amma bütün hallarda ölüm varsa, azadlıqdan məhrum etmə ilə bağlı cəzalar mövcuddur".

Aytəkin CƏLALİ

Telegramda izləyin