Fabrik sahibi öldü, işçiləri cənazədə atəşfəşanlıq keçirdilər (VİDEO)

Meksikanın Oaxaka vilayətində süd məhsulları fabrikinin sahibi Karlos Santiaqo Qomez vəfat edib.

Unikal.org xəbər verir ki, şəxsin cənazə mərasimi isə xüsusilə diqqət çəkib. Belə ki, Qomezin işçiləri dəfn mərasimində atəşfəşanlıq keçiriblər.

Musiqi, rəqs və atəşfəşanlıqla keçirilən cənazə maraqlı anlara səbəb olub. Hətta fabrik sahibinin işçilərindən biri cənazədə pendir topu geyimi ilə rəqs edib.

İştirakçılar, Qomezin onun üçün belə bir cənazə mərasiminin təşkil edilməsindən çox məmnun olacağını bildirərək, əyləncələrinə davam ediblər.

Qeyd edək ki, Oaxacanın bəzi kəndlərində ölənlərin şərəfinə musiqi, atəşfəşanlıq və rəqslərlə cənazələr keçirilir.

Telegramda izləyin