Ərinin intiharı gizlədildi, qızının faciəli ölümündən sarsıldı...

Ərinin intiharı gizlədildi, qızının faciəli ölümündən sarsıldı...Bu gün böyük sənətkar, Xalq artisti Şövkət Ələkbərovanın doğum günüdür.

Sonxeber.az Kulis.az-a istinadən bu münasibətlə sənətkar haqqında 10 maraqlı faktı təqdim edir.

1. Atası onun musiqiçi olmasını çox istəyib. Şövkət xanımın ilk musiqi təhsili kamança aləti üzrə olub. 1937-ci ildə musiqi yarışmasında "Qarabağ şikəstə"sini ifa edir. Münsiflər heyətində əyləşən Üzeyir Hacıbəyov, Səid Rüstəmov və Bülbül onun səsinə valeh olur. Şövkət Ələkbərova dövlət xoruna qəbul olunur. Həmin gündən onun musiqi karyerası başlanır.

2. Şövkət Ələkbərova gəlinini muğam ixtisasından dərs dediyi Asəf Zeynallı adına musiqi texnikumunda görüb bəyənib. Gələcək gəlinini oğluna göstərəndə deyib: "O qız mənim cavanlığıma oxşayır."

3. Xanəndə iki dəfə ailə qurub. Birinci evlilikdən Natella adlı qızı doğulub. Qızının atası hərbi həkim olub. O, cəbhəyə gedib və geri qayıtmayıb. Amma Şövkət xanım müharibədən əvvəl ondan boşanıb, qızı ilə birgə yaşayıb. Deyilənə görə, bu boşanmaya səbəb ərinin onu hədsiz qısqanması olub. Onun ikinci evliliyi məşhur rejissor Lətif Səfərovla olub. Bu evlilikdən isə Bəşir adlı övladları doğulub. Lətif bəy hələ uşaqlıq illərindən vərəm xəstəliyindən əziyyət çəkir. Hətta Şövkət xanım sonralar öz tələbələrinə danışırmış ki, o, oğlunu qorxa-qorxa, bağrına basır, hətta onu öpməkdən belə çəkinirmiş. Xəstəliyinin oğluna həyat yoldaşına keçəcəyindən ehtiyat edərək oğlunu tamamilə evindən uzaqlaşdıraraq Bərdəyə oxumağa göndərib. Şövkət xanıma isə deyirmiş ki, mən yediyim qablarda sən yemək yemə...

4. 1963-cü il, soyuq dekabr ayının 9-da ailə silah səsinə yuxudan oyanır. Lətif Səfərov 43 yaşında intihar edir! İntihardan əvvəl isə məktub yazır, qeyd edir ki, onun ölümündə heç kimi günahkar tutmasınlar, o, həyatdan bezib. Hadisə baş verəndə onun oğlunun 5 yaşı olur.

5. Lətif Səfərov intiharını bir neçə gün öncədən planlaşdırır, həmin gün sübhdən Şövkət xanıma deyir ki, anana deyə bilərsənmi, gəlib qalsın bizdə. Gecəyarısı ova gedəcəyik dostlarla. Səni oyatmaq istəmirəm. Ayılıb qorxarsan birdən. Şövkət xanım sonralar yaşadığı bu dəhşətli gün haqqında deyir: "Qəfil atəş səsi gəldi. Qaçdım qonaq otağına, amma gec idi..."

6. Bu hadisənin heç bir mənbədə göstərilməyən, amma sənət adamları arasında geniş yayılan bir variantı da var. İntihar etmək fikrinə düşən rejissor Lətif Səfərov, xanımı Şövkət Ələkbərovanı o qədər sevir ki, onun əli ilə ölmək istəyir. Buna görə də ov tüfənginin tətiyini iplə qapının dəstəyinə bağlayır. Şövkət xanım qapını açmaq istəyəndə tətik çəkilir və Lətif Səfərov həyatını itirir. Onun ölümünə o vaxtlar müxtəlif don geyindirirlər. Amma bu intihar sırf siyasi məsələ olur. Sovet dövründə sovet vətəndaşı özünə qəsd edə bilməzdi. Ona görə də, ovaxtkı rəhbər dairələrə "rejissor özünü qısqanclıq üstündə öldürüb" mövzusu sərf edirdi. Lətif Səfərovun Şövkət Ələkbərovanı qısqandığı üçün özünü öldürməsi söhbəti buradan qaynaqlanırdı. "KQB"-dən isə Şövkət xanıma tapşırırlar ki, bu barədə heç nə danışmasın. Şövkət xanım axırıncı nəfəsinə qədər övladlarına görə bu mövzu barəsində danışmaqdan çəkinir.

7. Şövkət xanım Moskvaya dekadaya gedəndə orda olan sənət adamları eşidirlər ki, Lətif Səfərovun həyat yoldaşı gəlib, hamısı Şövkət xanımın görüşünə gəlir. Rusiyanın məşhur aktyoru Smaktnovski Şövkət xanımın qarşısında diz çöküb əlindən öpür və deyir, Lətif Səfərov möhtəşəm rejissor idi.

8. Şövkət xanımın birinci həyat yoldaşından olan qızı Natella gənc yaşında xərçəng xəstəliyindən dünyasını dəyişib. Qızının dərdi ilə yanan Şövkət Ələkbərova gəlinin sözlərinə görə, çox az yaşaya bilib. Şövkət xanım qızının ölümündən sonra bir daha mahnı oxumayıb.

9. Xanəndənin yaxın rəfiqəsi, müharibə veteranı Fatma Səttarova müsahibəsində Şövkət xanımdan bəhs edir: "Onun qardaşı mənimlə müharibədə olub - 1941-45-ci illərdə. Müharibədə həlak oldu. Onun qızı qalmışdı, Şövkət Ələkbərova o qıza da analıq etdi. Çünki Şövkət xanımın qardaşı həlak olandan sonra qızın anası uşağı qoyub getmişdi. Qızı Natellanın ölümündən sonra Şövkət xanım 3 ilə yaxın yaşadı. O müddətdə kim görsəydi onu, tanımazdı. Saçları, kirpikləri ağarmışdı. Onun o vaxtı yadıma düşəndə indi də kövrəlirəm. Şövkət bəlkə də belə tez ölməzdi, Natellanın dərdi onu öldürdü. Natellanın ölümündən 1 il sonra mənim nəvələrimin toyu oldu, mən onu da dəvət eləmişdim. O toyda Şövkət ancaq ağladı. Natelladan sonra Şövkətin zümzüməsi ancaq onun göz yaşları idi. Ondan sonra bir daha oxumadı".

10. Böyük sənətkar 1993-cü il fevralın 7-də dünyasını dəyişir. Son müsahibəsini Rafiq Hüseynova verib: "Hər kəsin həyatında narahatlıqlar ola bilər. Mənim həyatımda da olub. Amma bütün bunlara baxmayaraq mən xoşbəxt insanam".

Son günündə yanında ailə üzvlərindən başqa heç kimi istəməyib. O, özünə qapanıb və eləcə də rəhmətə gedib.


Sonxeber.az Telegramda izləyin instagramda izləyin
Sosial   Baxılıb: 2312   Tarix: 20 oktyabr 2021  

Şikayətiniz varsa Whatsapp: 051 7028255

Facebookda Paylaş

Turlar.az

Unvan.az - elanlar sayti

DİGƏR MARAQLI XƏBƏRLƏR

Bu kartoflardan yeməkdə istifadə etmək olmaz - Alimlərdən məsləhət

Alimlər müəyyən ediblər ki, kartof buxarda bişiriləndə və ya soyutmalananda orqanizm üçün faydalıdır. Lakin bəzən o, sağlamlıq üçün olduqca təhlükəli ola bilər:. . Soyuducuda saxlanılan kartof. . Sonxeber.az oxu.az-a istinadən bildirir ki, soyuducuda saxlanıldıqdan sonra kartofun tərkibindəki nişast

25 oktyabr

Qohum evlilikləri həqiqətənmi qüsurlu uşaq doğuşuna səbəb olur? - ARAŞDIRMA

Qohum evlilikləri tarix boyu nəinki Azərbaycanda, hətta digər ölkələrdə də mövcuddur. Bəs bu, tibbi cəhətdən necə qarşılanır? İcbari tibbi siğortanın hazırladığı fotoda qeyd olunan "Sağlam gələcək naminə qohum nikahlarına "yox" deyək!" şüarı diqqət çəkib. Qohum evliliyi zamanı həqiqətənm

25 oktyabr

Mehriban Əliyeva Zəngilandan paylaşım etdi - VİDEO

Xəbər verdiyimiz kimi, oktyabrın 20-də Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva Zəngilan rayonunda səfərdə olublar.. . Mehriban Əliyeva səfərdən görüntüləri öz "Instagram" profilində paylaşıb. . . O, paylaşıma "Zəngilanda Azərbayca

20 oktyabr

"Kişi ev işlərinə görə qadına pul ödəsin" - Musa Quliyev

"Həyatımızın müxtəlif sahələrində qadınlara qarşı zorakılıqlar qalmaqdadır".. . Sonxeber.az APA-ya istinadən bildirir ki, bunu Milli Məclisin Əmək və sosial siyasət komitəsinin sədri Musa Quliyev "Gender bərabərliyinin və qadın hüquqlarının təşviqində vətəndaş cəmiyyətinin rolu" mövzusund

20 oktyabr

Zəngilan Beynəlxalq Hava Limanının maketinin görüntüləri paylaşılıb - FOTO

Tikintisi davam edən Zəngilan Beynəlxalq Hava Limanının maketinin görüntüləri yayılıb.. . Bu gün Bakıda keçirilən "Rebuild Karabakh" – Azərbaycan Beynəlxalq "Qarabağın Bərpa, Yenidənqurma və İnkişafı" sərgisində hava limanının maketi nümayiş olunub.. . Qeyd edək ki, bu gün Preziden

20 oktyabr

27 il sonra məhkəmədə ona içgəncə verən erməni ilə üzləşdi - VİDEO

Baku TV-də yayımlanan "Arzu Kəlbinin reportajı"nın növbəti qəhrəmanı erməni əsirliyində qalan azərbaycanlı Zahid Əliyevdir.. . 1994-cü il martında Füzulinin Aşağı Seyidəhmədli kəndinin mühasirədən azad olunması zamanı yaralı şəkildə əsir düşən Zahid Əliyev ermənilərin verdiyi işgəncələrdən

20 oktyabr

Dietoloq şam yeməyi üçün ideal ərzaqları açıqladı

Faydalı şam yeməyi həzm sisteminin mikroflorasına faydalı təsir göstərən bitki qidalarından ibarət olmalıdır.. . Sonxeber.az-ın oxu.az-a istinadən xəbərinə görə, bu barədə tanınmış rusiyalı dietoloq Elena Tay məlumat verib.. . Onun sözlərinə görə, tərkibi mikronutriyentlər, həzm olunan zülallar, pəhri

20 oktyabr

"Range Rover"lə 4 nəfərin ölümünə səbəb olsa da, özünü təqsirli bilmir

Novxanı-Sumqayıt yolunda avtomobillə qəza törədək, dörd nəfərin ölümünə səbəb olan iş adamı, "Əlincə" futbol klubunun prezidenti Elşad Kəlbəliyevin cinayət işi üzrə məhkəmə prosesi keçirilib.. . "Qafqazinfo" xəbər verir ki, Bakı Ağır Cinayətlər Məhkəməsində hakim İlham Mahmudovu

20 oktyabr

RİİB könüllüsü, şəhid Cavanşir Həmidlinin xatirəsi yad edilib

20 oktyabr "Regional İnkişaf" İctimai Birliyinin (RİİB) Lerik rayonundan olan könüllüsü, Vətən müharibəsində torpaqlarımızın işğaldan azad olunması uğrunda şəhid olmuş Cavanşir Həmidlinin doğum günüdür.. Sonxeber.az xəbər verir ki, doğum günündə Cavanşir Həmidlinin əziz xatirəsini yad edə

20 oktyabr