Savadlı, işini bilən, dürüst və səmimi bir gənc ananı itirdik biz........

Əlizadə Aygün Məcid qızı...Savadlı, işini bilən, dürüst və səmimi bir gənc ananı itirdik biz.

1992-ci il iyul ayının 11-də Yevlax rayonu Rüstəmli kəndidə anadan olan Aygün Əlizadə, elə həmin kəndin məktəbini bitirir və 2010-cu ildə Mədəniyyət və İncəsənət Universitetinin Sənətşünanslıq fakültəsinə qəbul olur.

2014-cü ildə Universiteti bitirən Aygün Əlizadə 2015 ci mart ayının 24-də çox sevdiyi İlqar bəylə ailə həyatı qurur. Bu möhtəşəm cütlük, 2016-ci il fevral ayının 20-də Ümid adlı gözəl oğlan uşağının valideyinlərinə cevrilirlər.
İlqar bəy 2010-cu ildən hərbiçidir və hazırda Heydər Əliyev adına Ali Hərbi Məktəbin tədris şöbəsində texnik vəzifəsində çalışır.
2018-ci ilə qədər Aygün, ölkəmizdə keçirilən tədbirlərdə, seminarlarda iştirak etməklə yanaşı, bir neçə xəbər saytlarında könüllü olaraq çalışdıqdan sonra 2019-cu ildən Press.az xəbər saytında xəbərlərin hazırlanmasında böyük işlər görür. Qısa zamanda bir neçə uğura imza atan Aygün Məcid qızı Əlizadə gələcəkdə daha da uğur qazana biləcək işlər üzərində çalışır.
Lakin..... 30 oktyabr 2021-ci ildə ölkəmizdə yayılan təhlükəli virus "Covid-19"-a yoluxduğunu hiss edərək həkimə müraciət edir. Gözləmədiyi halda testinin nəticəsi "Pozitiv" çıxır. O, hamilə olduğu üçün "Koronavirus" əleyhinə iynə və dərmanlardan tam istifadə edə bilmir. Hamiləlik dövründə həkimlərin daha həssas yanaşacağı tərzdə müalicəyə başlayır. Lakin müalicə effektsiz olduğu üçün Aygünün vəziyyəti ağırlaşır.

08 noyabr 2021-ci taxirində o, Yevlax rayon xəstəxanasının Təcili Tibbi Yardım avtomobili ilə 16-17 həftəlik hamiləlik , "Covid-19" təstiqi ilə, Bakıya 1 saylı Şəhər Klinik Xəstəxanasına (Semaşko) gətirilir.

Xəstəxanaya daxil olduqda Aygünün vəziyyəti olduqca ağır qiymətləndirilir və o xəstəxananın reanimasiya şöbəsinə yerləşdirilərək köməkçi tənəffüs aparatına qoşulur.

Həkimlərin ciddi nəzarətində müalicəsi davam etdirilən gənc ananın vəziyyəti 08-09 noyabr 2021-ci il tarixlərində ağır olaraq qiymətləndirilir. 10 noyabr 2021-ci il tarixində Aygünün səhhətində daha da ağırlaşma baş verir və o, süni tənəffüs aparatına huşu qapalı halda qoşulur.

16 noyabr 2021-ci il tarixinə qədər huşu qapalı, süni tənəffüs aparatına qoşulu halda ciddi müalicəsi davam etdirilən Aygün Məcid qızı Əlizadə, hələ doğulmamış körpəsi ilə birlikdə dünyasını dəyişir......

O, ailəsinin istəyi ilə Yevlax rayonunda torpağa tapşırılır....

Aygünün geridə qoyduğu isə, Press.az xəbər saytı, əzizləri, gözü yaşlı həyat yoldaşı və 5 yaşlı hələdə olanlardan xəbərsiz oğlu var......

Allahdan Aygünümüzə rəhmət, yaxınlarına səbir diləyirik......

Telegramda izləyin