Pis qoxulu Yeni il oyuncaqları: Xərçəng, Daun sindromu, yana biləcək evlər - ARAŞDIRMA

Pis qoxulu Yeni il oyuncaqları: Xərçəng, Daun sindromu, yana biləcək evlər - ARAŞDIRMA"Qızımla mağazaların birində alış-veriş edirdik. Bu zaman iki oyuncaq bəyəndi. Onları əlinə aldı və çox pis qoxu gəldiyini bildirdi. Mən də həmin oyuncağı qoxulayanda gördüm ki, doğrudan da oyuncaqlarda heç xoş olmayan qoxular gəlir".

Sonxeber.az xəbər verir ki, bunu Lent.az-a oxuculardan biri deyib.

Doğrudan da narahat olunası məsələdir. Bununla bağlı hətta mütəxəssislər bildirirlər ki, Yeni il oyuncaqları və yaxud bəzəklərini alarkən ilk növbədə sahibkarlardan sertifikat tələb etmək lazımdır. Daha sonra yolkaların və oyuncaqların hansı materialdan hazırlanmasına baxılmalıdır. Belə ki, əgər yolka və oyuncaqlar əllə sürtülən zaman rəng verirsə, pis qoxu gəlirsə, bu zaman mütləq şəkildə həmin oyuncaqlardan imtina edilməlidir.

Hə, 2021-in bizi tərk etməsinə 1 ay qalıb. Yola salacağımız ili də, qarşılayacağımız ili də xüsusi bayramla qeyd edirik. Yeni il, yeni yolka, yeni oyuncaqlar.

Əslində ilk dəfə Avropa ölkələrinin sakinləri Yeni il üçün evlərini bəzəyiblər. Dəfələrlə buna qadağalar qoyulsa da, insanlar yenə şam ağaclarına müxtəlif oyuncaqlar asıblar. Dəb kimi yolka bəzəmək adəti isə 16-cı əsrin birinci yarısından başlayıb.

Qeyd edək ki, 18-ci əsrin ortalarına kimi şam ağacının üzərindəki bəzək əşyaları yalnız yeməli idi, yəni konfetlərdən, şokoladlardan, hətta vaflilərdən, kekslərdən, qozlardan, meyvələrdən bəzək kimi istifadə olunub. Daha sonra isə yolkalar rəngli çilçıraqlarla, zərlərlə, oyuncaqlarla, yanıb-sönən ulduzla bəzədilməyə başlanıb.

1848-ci ildə isə Lauş şəhərciyində ilk dəfə yolkalar üçün xüsusi şar oyuncaqlar hazırlanıb.

Əvvəllər oyuncaqların çoxunu qara örtüklü gümüş nitrat ilə hazırlayırdılar, amma indi oyuncaqlar gümüş və qızıl tozuyla örtülür.

Evləri bəzəyən, Yeni ili xarakterizə edən oyuncaqlar ilə təəssüf ki, yeni xəstəlikləri də qarşılaya bilərsiniz.

Bəs, keyfiyyətsiz oyuncaqlar uşaqlarda hansı xəstəlikləri yaradır?

Pediatr Elşən Tağıyev bildirir ki, plastik oyuncaqlar uşağın sağlamlığı üçün zərərli ola bilər. Çünki onların tərkibinə bisfenol adlı kimyəvi qarışıq əlavə olunur:

"Bisfenol plastiki sərtləşdirmək üçün istifadə olunan qatqıdır. Plastik qablar və oyuncaqların tərkibindəki bisfenol sonradan orqanizmə daxil ola bilər. Son illər aparılan tədqiqatlar göstərir ki, bisfenol uşağın beyninin inkişafına, prostat vəzinə mənfi təsir göstərir.

Bisfenol və davranış pozğunluqları arasında da bağlılıq olduğu sübut olunub. O həmçinin Daun sindromu riskini artırır. Eyni zamanda bisfenol kanserogen (xərçəng yaratma)xüsusiyyətinə malikdir. Bisfenol tərkibli butulkalar, plastik qablar və oyuncaqların istifadəsi ABŞ-da 2012-ci ildən qadağan olunub. Körpənizin sağlamlığı üçün tərkibində bisfenol olmayan plastikdən hazırlanan oyuncaqlardan istifadə edin"

Hazırda isə bazarda kifayət qədər keyfiyyətsiz oyuncaqlar var. Bəs, zərərli oyuncaqların satışına kim icazə verir?

Azad İstehlakçılar Birliyinin sədri Eyyub Hüseynov Lent.az-a açıqlamasında bildirir ki, Nazirlər Kabinetinin 343 saylı qərarına görə, bir sıra mallar, o cümlədən uşaq oyuncaqları məcburi sertifikatlaşdırılan məhsullar siyahısındadır:

"Uşaqlar oyuncaqları əllərinə, ağızlarına toxundururlar. Təəssüf ki, Azərbaycan bazarında olan uşaq oyuncaqlarının çox böyük hissəsi, hətta 90 faizi heç sertifikatlaşdırılmır. Açıq bazar iqtisadiyyatından sui-istifadə edilir. Buna görə də, bazara arzuolunmaz oyuncaqlar daxil olur".

Onun dediyinə görə, ölkəmizə Çindən, Türkiyədən, Rusiyadan külli miqdarda oyuncaq gətirilir. Oyuncaq alarkən mütləq sertifikat tələb edilməlidir. Bundan başqa insanlar oyuncaqların keyfiyyətini valideynlər özləri də müəyyən edə bilərlər.

"Oyuncaqdan pis qoxu gəlirsə, həmçinin isladılmış ağ tənzifi oyuncağa sürtüb onun rənginin tənzifə çıxıb çıxmadığına baxmaqla, gəlinciklərin saçını dartaraq qopub qopmadığını, oyuncaqların sınıb sınmadığını yoxlamaqla bilmək olar. Əgər bu hallar varsa, mütləq həmin oyuncaqlardan imtina edilməlidir. Eyni zamanda sertifikatlaşdırılmayan oyuncaqla qarşılaşan zaman İqtisadiyyat Nazirliyinin 195 telefon nömrəsinə zəng etmək lazımdır".

Mütəxəssisin sözlərinə görə, Yeni il oyuncaqları ilə ehtiyatlı davranmaq lazımdır:

"Mən özüm şahid olmuşam, yolkanı naqilə birləşdirən işıqlarda problem yaranıb və bunun nəticəsində də bir ev tamamilə yanıb. Ona görə də, çox diqqətli olmaq lazımdır. Çünki yolkalar çox tez alışır".

Bəs, Azərbaycanda uşaq oyuncaqları niyə istehsal olunmur?

Məsələ ilə bağlı iqtisadçı Elşad Məmmədov qeyd edir ki, Azərbaycanda oyuncaq sənayesinin inkişaf etməməsi, bu istiqamətdə istehsalın olmaması Çin amili ilə bağlıdır.

"Çünki Çin bu sahə üzrə bazarda hegemon statusa malikdir. Eyni zamanda ölkənin daxili bazarının kifayət qədər böyük olmaması və regional iqtisadi inteqrasiyanın inkişaf etməməsi bazarların formalaşmasına imkan yaratmır.

Bununla yanaşı ölkədə maliyyə resurslarına çıxışın çətin olması istehsalı mümkünsüzləşdirir. Çünki istehsalın bünövrəsi investisyalardan, maliyyə resurslarından başlayır".


Sonxeber.az
Telegramda izləyin
Maraqlı   Baxılıb: 2509   Tarix: 07 dekabr 2021  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Soyuducudakı bu düymə tərəvəzin taleyini həll edir

Soyuducuda saxlanılan tərəvəzlərin tez solması və ya çürüməsi bir çox evdə qarşılaşılan problemlərdəndir. Lakin soyuducuların tərəvəz bölməsində (crisper) olan kiçik sürgülü düymə meyvə və tərəvəzlərin daha uzun müddət təzə qalmasına kömək edir. xəbər verir ki, çəkməcənin içindəki nəmlik səviyyəsin

15 noyabr
.

Sahiblərinin əhvali-ruhiyyəsi itlərə necə təsir edir?

İtlər sahiblərinin davranışlarına və emosional vəziyyətinə müxtəlif cür reaksiya verirlər. İnsanların keçirdiyi hər bir emosiya heyvanlar üçün fərqli məna daşıya bilər. xəbər verir ki, itlər insanların üz ifadələrini alimlərin əvvəllər düşündüyündən daha yaxşı tanıya bilirlər. Üstəlik, sahibinin emosiona

8 noyabr
.

Rent a car üçün ən çox seçilən avtomobillər hansıdır?

Sedan, yoxsa krossover icarəyə götürmək istəyirsiniz? Avtomobil seçərkən nələrə diqqət edilməlidir? Rent a car üçün ekonom, sedan, SUV və miniven avtomobillər təklif olunur. Avtomobillər salon genişliyi, yanacaq sərfiyyatı və baqaj həcminə görə fərqlənir. Ekonom sinif rent a car avtomobilləri. Az yanaca

17 noyabr
.

Kərə yağını kimlər yeməməlidir? - Sağlamlıq problemi olanlar üçün vacib xəbərdarlıq

Kərə yağı gündəlik qidalanmada geniş istifadə olunsa da, hər kəs üçün eyni dərəcədə uyğun deyil. Süd zülalına allergiyası, yüksək xolesterini və ürək-damar xəstəlikləri olan şəxslər bu məhsulun istifadəsinə xüsusi diqqət yetirməlidirlər. Kərə yağında doymuş yağların miqdarı yüksəkdir. Onların həddində

14 noyabr
.

Ölümdən iki gün əvvəl orqanizmdə nə baş verir?

Həyatın son 48 saatında insan orqanizmi həyati funksiyalarını qorumaq qabiliyyətini tədricən itirir. Həyatın son 48 saatında insan bədəni nəzərəçarpacaq dəyişikliklərə məruz qala bilər. İnsan zəifləyir, daha çox yatır, yeməyə az maraq göstərir və nəfəs alma və qan dövranı tədricən dəyişir. Bu təzahürlə

15 noyabr
.

Qadınlar kişilərdən daha çox üşüyür - SƏBƏB

Alimlər qadınların soyuğu kişilərdən daha tez hiss etməsinin və daha isti mühitə üstünlük verməsinin mümkün bioloji səbəbini araşdırıblar. Tədqiqatın nəticələrinə görə, temperaturun qavranılmasına testosteron və dərinin sinir uclarında yerləşən xüsusi zülal reseptorları təsir göstərə bilər. xarici mediay

15 noyabr
.

5 5 5 5 = 24: Bu tənliyi doğru edəcək üç riyazi işarə hansılardır?

Tənliyi doğru etmək üçün dörd 5 arasında üç riyazi işarə qoymalısınız. Dörd eyni rəqəm və istədiyiniz nəticə. Bu riyazi tapmacada yalnız üç hesab işarəsi yoxdur. Tapmaca şərti:. 5 5 5 5 = 24. -ın xəbərinə görə, tənliyi doğru etmək üçün dörd beşlik arasında üç riyazi simvol yerləşdirməlisiniz. Toplama

8 noyabr
.

800 illik qala 1 avroya satılır - Fotolar

Almaniyanın Saksoniya torpağında yerləşən Bad-Düben şəhər rəhbərliyi 800 illik tarixə malik Şnaditz su qalasını satışa çıxarıb. "Qafqazinfo" xəbər verir ki, şəhər mülk üçün simvolik olaraq cəmi 1 avro tələb edir, lakin bu "əlverişli" sövdələşmənin arxasında böyük maliyyə öhdəliklər

9 noyabr
.

Düyü bişirərkən bu səhvi etməyin

Düyü bişirərkən onun dibinin yapışqan, üst hissəsinin isə quru qalması bir çox insanın qarşılaşdığı problemdir. Bunun səbəbi hər zaman suyun miqdarı və ya bişirmə müddəti olmaya bilər. İstifadə edilən qazanın forması da yeməyin keyfiyyətinə təsir göstərir. Ölkə.az yerli mediaya istinadən xəbər veri

12 noyabr