"Squid Game" artıq "Netflix"də birinci DEYİL, yerini BU SERİAL tutdu - VİDEO

Yayımlandığı gündən izləyici sayı ilə rekord qıraraq dünyaya səs salan "Squid Game" serialı "Netflix"də artıq birinciliyi əldən verib.

Sonxeber.az BiG.AZ-a istinadən xəbər verir ki, ötən həftənin nəticələrinə görə, bu dəfə liderlik "The Queen of Flow" ispan serialındadır.

Belə ki, bu telenovellanın ikinci sezonu 69 milyon saat izləmə ilə birinciliyi qazanıb.

Cənubi Koreya istehsalı olan "Cəhənnəm çağırışı" ("Hellbound") serialı ondan bir az geridə qalıb (67,5 milyon saat baxış).

"Squid Game" isə 25,7 milyon saat baxışla üçüncü yerdədir.

"The Queen of Flow" serialının baş qəhrəmanı etmədiyi cinayətə görə 25 il həbs cəzası alan yazıçı qadındır. 17 il həbsxanada qaldıqdan sonra ona polislə əməkdaşlıq etmək təklif olunur. Qadın bu təklifi yalnız azadlığa çıxmaq üçün deyil, onu şərləyənlərdən qisas almaq üçün fürsət kimi dəyərləndirir. Onun işləri yola düşməyə başladığı zaman, serialın ikinci sezonunda həyat onu yeni sınaqlarla üz-üzə qoyur.

Telegramda izləyin