İlon Mask yeni pikapın əsas qüsurunu açıqladı

"Tesla"nın baş direktoru İlon Mask yeni "Cybertrack" elektrik pikapında ən çox nəhəng şüşə siləndən narahat olduğunu bildirib.

Bu barədə sahibkar "Twitter" səhifəsində məlumat verib.

Maskın abunəçilərindən biri "Cybertrack" elektrik pikapın yan güzgülərinin gülünc göründüyünü müşahidə edib. Bundan əlavə, müəllif nəhəng şüşə siləninə diqqət çəkib: "Bu, son versiyadır?"

"Tesla" rəhbəri avtomobilin əsas problemlərindən birinin şüşə silən olduğunu deyib və qeyd edib ki, hələlik bu dizayna alternativ yoxdur. "Baqajın ön hissəsinə yığılan sökülə bilən şüşə silən ideal, lakin çətin olardı", - deyə Mask vurğulayıb.

Çox böyük yan güzgüləri tənqid edən avtomobil həvəskarının şərhinə sahibkar belə cavab verib ki, ABŞ qanunlarına görə avtomobil istehsalçıları avtomobilləri komplektlə təmin etməlidirlər. Bununla belə, onun sözlərinə görə, avtomobil sahibləri güzgüləri sökə bilərlər.

Çox güman ki, şirkət avtomobilin ön şüşəsindəki rütubəti və kiri təmizləmək üçün daha müasir üsul üzərində işləyir./Oxu.az

Telegramda izləyin