"Ermənistan rəhbərliyi cənab Prezidentin dünənki müraciətini diqqətlə dinləyib, nəticə çıxarmalıdır" - Emil Əkbərov

Cənab Prezidentin 2022-ci ili "Şuşa ili" elan etməsi bayram sevincimizi daha da artırmaqla yanaşı, həm də sözlə ifadə edilə bilməyəcək qədər qürur hissi yaşatdı".

Bu sözləri Sonxeber.az-a danışan "BİG Media" MMC-nin direktoru Emil Akbarov deyib.

O, qeyd edib ki, cənab Prezident İlham Əliyevin xalqa artıq ənənə halını alan bayram təbrikini bu il də hər birimiz qürur hissi ilə izlədik:

"Çünki bu il cənab Prezident İlham Əliyev təkcə dövlət başçısı kimi yox, həm də qalib ordunun güclü Ali Baş Komandanı kimi xalqımıza müraciət edərək bayram münasibətilə təbrik etdi. Fikrimcə, cənab Prezidentin builki bayram təbriki xalqımızın yaddaşında hələ uzun müddət qalacaq. Dövlət başçısının müraciəti, həmçinin, düşmənə və onun havadarlarına birbaşa məsaj idi. Hesab edirəm ki, Ermənistan rəhbərliyi cənab Prezidentin dünənki müraciətini diqqətlə dinləyib, nəticə çıxarmalıdır. Eləcə də onun havadarları".

Emil Akbarov 2022-ci ilin "Şuşa ili" elan edilməsi ilə bağlı keçirdiyi qürur və sevinc hisslərini də bölüşüb:

"2022-ci ilin "Şuşa ili" elan edilməsi bu şəhərin Qafqazın cənnətinə çevriləcəyi ilə bağlı fikirləri bir daha təsdiq edir. Şuşa şəhəri tək orda doğulanların deyil, hər birimizin Vətənidir. 30 il ərzində hər bir azərbaycanlı səbirsizliklə Şuşanın, eləcə də digər rayon və şəhərlərimizin işğaldan azad olunmasını gözləyib. Ali Baş Komandanın rəhbərliyi ilə güclü Azərbaycan ordusu illərlə çəkdiyimiz Vətən həsrətimizə son qoyaraq bizi cənnətimizə, Şuşamıza qovuşdurdu.

2022-ci ildə Şuşa şəhərinin 270 illiyini qeyd edəcəyik. Məncə, bu gün hər bir azərbaycanlı bu bayramı səbirsizliklə gözləyir. Əminəm ki, qısa müddətdə biz Şuşanı yenidən Qafqazın cənnətinə çevirərək bu əlamətdar günü möhtəşəm surətdə qeyd edəcəyik.

Bu gün, qalib ölkənin vətəndaşı kimi, ikiqat bayram sevincini bizə yaşadan Ali Baş Komandana, ərazi bütövlüyümüz uğrunda canından, sağlamlığından keçən şəhid və qazilərimizə təşəkkür edirəm! Allah şəhidlərimizə rəhmət, qazilərimizə şəfa versin".

Aysel Yusifqızı

Telegramda izləyin