Bir bankı iki dəfə yardı, üçüncü dəfə isə...

İspaniyada bankı qarət etməkdə şübhəli bilinən şəxs saxlanılıb. Polisin məlumatına görə, o, eyni filiala iki dəfə hücum edib.

Sonxeber.az xarici mətbuata istinadən xəbər verir ki, yanvarın 12-də qırmızı əlcəkli, maskalı şəxs Madridin Çamberi rayonunda yerləşən bank filialına hücum edərək işçini hədələyib.

Oğurluqdan sonra o, papağını və maskasını plastik torbada gizlədərək hadisə yerindən qaçıb.

Bir həftə sonra eyni vaxtda, eyni maska, papaq və əlcəkdə, həmin işçinin işlədiyi şöbəyə hücum edib. O, pulu aldıqdan sonra qaçıb.

Şahid polisə müraciət edib. Hücum edən şəxs bir neçə dəqiqə sonra metroda saxlanılıb.

ZAİRA AKİFQIZI

Telegramda izləyin