Bu gün yazıçı, satirik, dramaturq Xeyrəddin Qocanın doğum günüdür

Hər zaman fəxr etdiyim, qurur duyduğum cəsarətli, yüksək insani keyfiyyətlərə malik, məğrur insan Xeyrəddin Qoca, çətin və məsuliyyətli peşə olan jurnalistika fəaliyyəti ilə məşğul olduğunuz illərdə, paxıllığınızı çəkən, ölkəni fəlakətə sürükləyən bəzi qüvvələr tərəfindən hədələnməyinizə və təzyiqlərə məruz qalmağınıza baxmayaraq ulu öndər Heydər Əliyevə olan xalq sevgisinin qarşısını almaq istəyənlərə və ölkəmizin ictimai-siyasi sabitliyini pozmaq arzusunda olanlara qarşı savaş açaraq cəsarətli yazılarınızla, məğrur və əzimkar duruşunzla xalqın rəğbətini qazana bildiniz.

Dövlətimiz, xalqımız üçün etdiyiniz fədakarlıqları qiymətləndirən ulu öndər Heydər Əliyev yüksək etimad göstərərək Sizə önəmli vəzifələr tapşırdı və bu vəzifələrin öhdəsindən layiqincə gələrək hər birimizə nümunə oldunuz. Yazıçı kimi şərəfli bir peşənin sahibi olaraq bütövlükdə Azərbaycanda nüfuzlu, ziyalı, yüksək əxlaqi keyfiyyətlərə malik vətəndaş kimi ad-san qazanmısınız. Müəllifi olduğunuz "Filankəslər", "Hərə öz payını götürsün", "Marallar", "Bu dünyadan məktublar", "Gərək yazam", "Hərənin öz payı", "Pyeslər", "Bu da belə həyatdır..." , Türkiyədə çıxan "Biz-bizə bənzərik...", "Yazdıqlarım...Yazı- lanlar", həyat və yaradıcılığınıza həsr olunmuş "Xeyrəddin Qoca", "Ömür belə keçir", "Xeyrəddin Qocanın gülüşü", "Həyati proseslərin axarında.."adlı kitablarınızdakı yazılarınızla üzümüzdə təbəssümlə bərabər, təsəvvürümüzdə cə­miy­yət­də olan əyər-əsk­iklə­r barədə fikir yaratmağı bacardınız. Mədəniyyət və incəsənət sahələrində böyük xidmətlərinizə görə Azərbaycan Respublikası Prezidentinin fərdi təqaüdünə laiq görülməyiniz və Azərbaycan Respublikası Prezidentinin Sərəncamı ilə 3-cü dərəcəli "Vətənə xidmətə görə" ordeni və "Şöhrət" ordeni ilə təltif edilməyiniz nə qədər güclü və dəyərli şəxsiyyət olduğunuzun göstəricisidir.

Siz bizim üçün dəyişilməz xarakterli, cəsarətli, böyük hörmət bəslədiyimiz geniş qəlbli bir insan və hər zaman dərs alacağımız böyük bir məktəbsiniz. Keçdiyiniz həyat yolundan və təcrübələrinizdən öyrənəcəyimiz çox şey var. Hörmətli və dəyərli əmim Xeyrəddin Qoca, Sizi doğum gününüz münasibəti ilə ürəkdən təbrik edirəm! Bu əlamətdar gündə Sizə möhkəm can sağlığı, uzun ömür, xoşbəxtlik və yaradıcılıq fəaliyyətinizdə uğurlar arzulayıram. Şəxsən öz adımdan və ailəmiz adından çətin anlarımızda yanımızda olub, dayağımız olduğunuz və qazandığımız hər bir uğur üçün Sizə minnətdarlığımı bildirirəm. Dəstəyiniz və məsləhətləriniz bizim üçün hər zaman dəyərlidir.

Tural Qoca

Telegramda izləyin