Bakıda dostlarının evinə qonaq gedən şəxslər görün nə etdilər - VİDEO

Səbail Rayon Polis İdarəsinin 9-cu Polis Bölməsinin əməkdaşları tərəfindən həyata keçirilən əməliyyatlar zamanı inzibati ərazidə baş verən bir neçə oğurluq faktını törədən şəxslər saxlanılıblar. Səbail rayonunda qonaq getdikləri evdən 21 min manatlıq oğurluq etməkdə şübhəli bilinən şəxslər tutularaq istintaqa cəlb ediliblər. Onlar hadisə günü Səbail rayonunda yaşayan dostlarının evinə qonaq gediblər. Bir neçə gün orada qalandan sonra ev sahibinin olmamasından istifadə edərək mənzildən 8700 manat, 1600 dollar, 7000 manat dəyərində qızıl-zinət əşyaları və dəyəri 3000 manat olan 1 ədəd kürk oğurlayıblar.

Sonxeber.az bildirir ki, bu barədə DİN Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev məlumat verib.

Tədbir zamanı əvvəlcə Səbail rayonunda yerləşən mənzildən oğurluq edən paytaxt sakinləri İlkin Rəsulov, onun tanışları Nuranə Məmmədova və Elçin Ağayev tutulublar.

Araşdırma zamanı müəyyən edilib ki, bu şəxslər hadisə günü Səbail rayonunda yaşayan İlkin Rəsulovun dostunun evinə qonaq gediblər.

Elşad Hacıyeva, həmçinin, bildirib ki, polisin həyata keçirdiyi digər tədbirlərlə ayrı-ayrı şəxslərin bank kartlarından 4000 manat, "İçərişəhər" stansiyasının yaxınlığında bir çantadan içində dəyəri 3000 manat olan mobil telefon və 600 manatlıq elektronika məhsullarını oğurlayan şəxslər da tutularaq istintaqa cəlb ediliblər.

Tədbir nəticəsində Bakı şəhər sakini Ruslan Novruzov tutularaq Bölməyə gətirilib. O, oğurladığı əşyaları paytaxt ərazisindəki mağazalardan birinə satıb.

Qeyd edək ki, saxlanılan şəxslərin etdikləri oğurluqlar təhlükəsizlik kameraları vasitəsi ilə də lentə alınıb.

Faktlarla bağlı saxlanılan barəsində 9-cu Polis Bölməsində toplanan materiallar Səbail RPİ-nin İstintaq Şöbəsinə göndərilib.

Bu şəxslərin əməllərindən zərər çəkən başqa vətəndaşlar varsa, ərazi polis orqanlarına, "102" Xidməti-Zəng Mərkəzinə və Nazirliyin sosial şəbəkələrdəki rəsmi səhifələrinə məlumat verə bilərlər.

ZAİRA AKİFQIZI

Telegramda izləyin