10 milyon dollarlıq bu rəsmi cəmi 30 dollara aldı - FOTO

Amerikada bir kolleksiyaçı "bit bazarı"ndan 30 dollara aldığı rəsm əsərinin əsl qiymətinin 10 milyon dollar olduğunu öyrənib.

Sonxeber.az-ın xarici mətbuata istinadən verdiyi məlumata görə, bu barədə ABŞ-ın Boston şəhərində yaşayan və əsərin yenidən kəşf edilməsində mühüm rol oynayan ekspert və kolleksiyaçı Kliford Şörer özü danışıb.

Belə ki, 2019-cu ildə bir məclisə gedərkən hədiyyə almağı unutduğu üçün o, köhnə kitabların satıldığı bir dükana yaxınlaşaraq Dürerin əsərini alıb.

"Açığı, gedəndə çox da ümidli deyildim. Bu cür məşhur rəssamlara aid olduğu deyilən əsərlər bəzən heç onlara aid olmaya bilər" deyən Şörer, əsəri üç ilə yaxın tədqiq edib. Texniki analizdən sonra əsərin Dürerə məxsus olduğu müəyyən edilib.

Şörerin sözlərinə görə, rəsm satışa çıxarılsa, 10 milyon dollara alıcı tapa bilər.

Qeyd edək ki, İntibah dövrünün ən böyük ustalarından biri olan alman rəssamı və qrafiki Dürerin karyerası və irsi sənət tarixçiləri tərəfindən geniş şəkildə araşdırılsa da, rəssamın əsərini tapmaq çox çətindir.

"Bakirə və Uşaq" adlı həmin rəsm əsərinin 1503-cü ildə tamamlandığı təxmin edilir.

Aygün Osmanlı

Telegramda izləyin