Şimali Koreya: "ABŞ qitəsinə raket atıb, dünyanı silkələyərik"

Şimali Koreyanın Xarici İşlər Nazirliyi ABŞ ilə gərginliyi artıracaq yeni açıqlama verib.

Sonxeber.az xarici mətbuata istinadən məlumat verir ki, nazirlik son raket sınaqlarını "əsl müvəffəqiyyət" kimi qiymətləndirsə də, ölkənin "müharibədən çəkindirmə" ilə maraqlandığını vurğulayıb:

"Bir çox ölkələrin Birləşmiş Ştatlarla təslim olmaq və kor-koranə itaətkarlıqla məşğul olmaq üçün vaxt itirdiyi bugünkü dünyada biz ABŞ-a raket atmaqla dünyanı silkələyə biləcək yeganə ölkəyik. Bunlar hidrogen bombaları, qitələrarası ballistik raketlər və hipersəs raketləridir".

Bəyanata cavab olaraq, ABŞ Dövlət Departamentinin sözçüsü bildirib ki, Vaşinqton Pxenyanı "beynəlxalq sülhə, təhlükəsizliyə və nüvə silahlarının yayılmaması rejiminə təhdid" kimi görür, lakin ABŞ-ın bu ölkəyə qarşı heç bir düşmən niyyəti yoxdur.

Qeyd edək ki, Şimali Koreya təkcə bu il yeddi raket sınağı keçirib. Raketlərin əksəriyyəti Yapon dənizinə atılıb.

Aygün Osmanlı

Telegramda izləyin