Arvadını güllələyərək öldürən şəxslə bağlı ŞOK FAKTLAR - VİDEO

Yevlaxda kişi həyat yoldaşını evində güllələyib. Qətli törədən şəxs qohumunu da yaralayıb. Sumqayıtda isə 45 yaşlı kişi öz tanışı tərəfindən elə yaşadığı binanın qarşısında öldürülüb.

Sonxeber.az BAKU.WS-ə istinadən xəbər verir ki, dünən Yevlax rayonu Hacıselli kəndində 48 yaşlı kişi Mehdi Qarayevin arvadını güllələyərək öldürməsi, qonşusunu isə yaralaması hadisəsinin təfərrüatları məlum olub.

Həyat yoldaşı, 1977-ci il təvəllüdlü Elnarə Qarayevanı amansızlıqla öldürən Mehdi ötən ilin yanvarında da onu qətlə yetirməyə cəhd edib. Belə ki, ötən ilin 13 yanvar tarixində Mehdi Qarayev yaşadığı mənzildə balta ilə E.Qarayeva ağır zərbələr endirərək onu öldürməyə cəhd göstərib. Həmin vaxt başından balta zərbəsi alan, barmaqlarının bir neçəsi kəsilən və sümükləri sındırılan qadının həyatını xilas etmək mümkün olub.

Kənd sakinləri güllə səsinə oyanıblar. Mehdi Qarayev həyat yoldaşı Elnarə Qarayevanı yataq otağında güllələyib. Qadın aldığı xəsarətlərdən hadisə yerində keçinib. Qətli törədən şəxs öz qohumu, 63 yaşlı İldırım Qarayevi də yaralayıb. Yaxınları hadisənin hansı səbəbdən baş verdiyindən xəbərsiz olduqlarını bildiriblər.

Qətli törədən Mehdi Qarayevi artıq polis əməkdaşları saxlayıb. Hadisənin baş vermə səbəbləri araşdırılır.

Telegramda izləyin