Ukrayna səfiri: "Bu, 3-cü DÜNYA MÜHARİBƏSİDİR"

Ukraynanın Ankaradakı səfiri Vasili Bodnar Rusiyanın Ukraynaya hücumlarına qarşı təşkil olunan etirazlar zamanı açıqlamalar verib.

Sonxeber.az xarici mətbuata istinadən xəbər verir ki, Bodnar açıqlamasında deyir:

"Hazırda Ukraynada yaşayan bütün xalqlar, o cümlədən rus xalqı bu müharibədən əziyyət çəkir. Bu, Ukraynaya qarşı müharibə deyil, 3-cü Dünya müharibəsidir. Rusiya Qazaxıstanı da bu müharibəyə qatmaq istəyir. Bu müharibənin başqa ölkələrə yayılması və genişlənməsi sizdən və bütün dünyadan asılıdır.

Ruslar əsrlər boyu qonşularına işgəncə veriblər, torpaqlarını işğal ediblər və biz indi onlara qarşıyıq və cavab veririk. Türkiyəyə təşəkkür edirəm, ilk humanitar yardım bu gün Ukraynaya çatıb. Yaxın günlərdə bir hesab yaradacağıq, kömək etmək istəyənlər ianə verə biləcəklər".

Aygün Osmanlı

Telegramda izləyin