Çinin Rusiyadan ŞOK XAHİŞİ: "Ukraynaya hücumu..."

Çin fevralın əvvəlində Rusiyadan Ukraynaya hücumu Pekin Qış Olimpiya Oyunları bitənə qədər təxirə salmağı xahiş edib.

Sonxeber.az xarici mətbuata istinadən xəbər verir ki, ABŞ və Böyük Britaniya kəşfiyyatçıları bu barədə məlumat əldə bildirirlər.

ABŞ rəsmiləri iddia edirlər ki, bu xahiş Rusiya prezidenti Vladimir Putinin Pekində Olimpiadanın açılış mərasimi üçün Çin prezidenti Si Cinpinlə görüşü zamanı edilib.

Hesabatda, həmçinin, deyilir: "Çin fevralın 20-də Olimpiadanın bağlanış mərasimini keçirib. Ertəsi gün Putin Ukraynanın şərqində üsyançıların nəzarətində olan əraziyə daha çox rus əsgərinin daxil olmasını əmr edib".

Qeyd olunub ki, Çinin Vaşinqtondakı səfirliyinin sözçüsü Liu Penqyu sözügedən iddiaların "heç bir əsası olmayan fərziyyə və ittihamlardan" ibarət olduğunu bildirib.

Çin ABŞ və Avropa ölkələrinin Rusiyaya qarşı tətbiq etdiyi sanksiyaları tənqid edib və Xarici İşlər Nazirliyinin sözçüsü Vanq Venbin bildirib ki, Rusiya və Ukrayna hər iki tərəfin qanuni təhlükəsizlik narahatlıqlarını ehtiva edən siyasi həll yolu axtarmalıdırlar.

Çin Ukraynadakı müharibə ilə bağlı 'işğal', 'hücum' sözlərindən istifadə etməkdən çəkinərək, BMT Baş Assambleyasının Rusiyanın Ukraynaya hərbi hücumlarını pisləyən qətnaməni təsdiq etdiyi səsvermədə bitərəf qalan 35 ölkədən biridir.

Aygün Osmanlı

Telegramda izləyin