Qazaxıstan dərman ixracına qadağa qoymaq niyyətindədir

Qazaxıstanın Səhiyyə Nazirliyi bir sıra dərman vasitələrinin və tibbi ləvazimatların respublika ərazisindən ixracına altı ay müddətinə qadağa qoymağı planlaşdırır.

Sonxeber.az APA-ya istinadən xəbər verir ki, nazirliyin müvafiq əmrinin layihəsi normativ hüquqi aktlar portalında yerləşdirilib.

"Qazaxıstan Respublikasının ərazisindən istənilən formada olan dərman vasitələrinin, o cümlədən əczaçılıq məhsullarının, tibbi ləvazimatların, habelə onların istehsalı üçün materialların və komponentlərin ixracına altı ay müddətinə qadağa qoyulsun", - sənəddə deyilir.

İstisna bir sıra tibbi, o cümlədən ölkə ərazisindən tranzitlə daşınan məhsullara ediləcək.

Sərəncam layihəsinin ictimai müzakirəsi aprelin 6-dək davam edəcək.

Telegramda izləyin