"Buna görə "danabaşlar"dan üzr istəyirəm" - Fazil Mustafa

"Dünən Azərbaycanımız haqqında sevgi dolu bir yazı yazmışdım. And içə bilərəm ki, mətndə nə Qərb heyranlığından, nə Ukrayna vətənpərvərliyindən, nə də Rusiyaya yarınmaqdan əsər-əlamət vardı. Dərhal paylaşdım. Lakin etiraf edim ki, sonda təsadüfən bir klaviatura səhvi olduğunu sezmişəm. "Azərbaycan" sözündə 2-ci sıradakı "z" hərfi əvəzinə "x" hərfi gedibmiş".

Sonxeber.az-ın məlumatına görə bu sözləri millət vəkili Fazil Mustafa öz "Facebook" səhifəsində yazıb.

O, həmin mexaniki səhvə görə onu qınayanlara müraciət edib:

"Bu səhvimə görə ölkədə yaşayan və ya mühacirətdə olan bütün gerizəkalı, danabaş, fürsətçi, savadsız, cahil, qaragüruhçu siyasətbaz, blogerbaz, jurnalistbaz, şəbəkəbazlardan üzr istəyirəm. Anlayıram, qəlbinizin dərin vətənpərvərlik simlərini qırmışam, uzun illər bunu bərpa etmək çox çətin olacaq. Azərbaycana sevginizin, müstəqilliyimizə bağlılığınızın dozası o qədər yüksəkdir ki, bizlər ömür boyu çalışsaq da, sizin yetişdiyiniz zirvəyə çata bilməyəcəyik. Ölkədə çox şeylərin monopoliyası olduğu kimi, vətənpərvərliyin də monopoliyası sizin əlinizdədir. Bu yazımda da hansısa hərf səhvi olarsa, xahiş edirəm, elə şüvən qoparın ki, eşidib səhvimi düzəldim".

ZAİRA AKİFQIZI

Telegramda izləyin