İnternetsiz, işıqsız qala bilərik - XƏBƏRDARLIQ

Alimlər martın 28-dən bu yana Günəşin bir nöqtəsində 17 partlayış aşkar ediblər. NASA-nın Günəş Dinamikası Rəsədxanası və Günəş və Heliosfer Rəsədxanası püskürmələrin heyrətamiz görüntülərini çəkib.

Sonxeber.az xarici mətbuata istinadən xəbər verir ki, kosmik agentliyin açıqlamasına görə, sonuncu partlayış martın 30-da baş verib və "X-sinif məşəl" kimi təsnif edilib.

NASA da öz saytında son partlayışın hərəkətli görüntüsünü paylaşıb.

Sözügedən yüklü hissəciklər saatda təxminən 3 milyon kilometr sürətlə Yerə yaxınlaşır. Mütəxəssislər bildirirlər ki, bu hissəciklər bir-iki günə planetə çata bilər.

Kosmik agentliyin bəyanatında plazma kütlələrinin Yerə təsir göstərə biləcəyi bildirilib:

"O, radio rabitə, elektrik şəbəkələri, naviqasiya siqnallarına təsir göstərərək kosmik gəmilər və astronavtlar üçün risk yarada bilər".

Bu baxımdan ekspertlər xəbərdarlıq edirlər ki, gözlənilən Günəş qasırğası elektrik enerjisinin kəsilməsinə və ya peyklərin sıradan çıxmasına səbəb ola bilər.

Qeyd edək ki, tarixdə yalnız iki belə hadisə qeydə alınıb. Bunlardan biri 1859-cu ildə, digəri isə 1921-ci ildə baş verib. "Carrinqton" hadisəsi kimi tanınan birinci hadisə zamanı teleqraf naqilləri alovlanıb və rabitə ciddi şəkildə pozulub.

Aygün Osmanlı

Telegramda izləyin