Protein qəbulu zamanı nəyi bilməliyik? - Diyetoloqdan AÇIQLAMA

Müasir dünyada insanlar ideal bədən sahibi olmaq barədə daha çox düşünür, buna nail olmağın ən asan üsullarını axtarırlar. Bu sualın yeganə düzgün cavabı idmanla məşğul olmaq olsa da, bəzən bədənlərini gücləndirmək və əzələlərini möhkəmləndirmək istəyənlər müxtəlif həblərdən, qida əlavələrindən də istifadə edirlər.

Məsələ ilə bağlı diyetoloq Şəfa Yadigarova "Sonxeber.az"a açıqlama verib.

Onun sözlərinə görə, müəyyən idman növləri var ki, orada əsas olan çəki kateqoriyasıdır:

"Çəki nisbətdə 1-2 kq fərq etsə, həmin idmançıları turnirlərə, çempionata buraxmırlar. Ona görə də idmançılar yarış qabağı çəki atırlar.

Qısa müddətdə ekstra çəki vermək idmançılar üçün stresə düşməyə səbəb ola bilər. Stresə çevriləndə isə nəticələr bir qədər aşağı düşə bilər. Bunun əvəzində həkimlər idmançılara sauna və müəyyən pəhrizlər məsləhət görürlər".

Bəs protein qəbul edərkən nəyi bilmək lazımdır?

Diyetoloq bu sualı belə cavablandırıb:

"Bəzi idmançılar var ki, əzələ çəkisini artırmaq üçün müəyyən proteinlərdən istifadə edirlər. Protein istifadə edərkən onun keyfiyyətli olmağından əlavə, tərkibini bilmək də önəmlidir. Protein qəbul eləməmişdən öncə mütləq idman diyetoloqu ile məsləhətləşmək lazımdır".

Aysel Quliyeva

Telegramda izləyin