Zavodda unu yerdən yığıb çörək bişirdilər - 2500 manat CƏRİMƏ OLUNDULAR - VİDEO

Türkiyənin Ədirnə rayonundakı çörək zavodunda işçi yerə tökülmüş unu yenidən yığaraq istifadə edib.

Sonxeber.az xəbər verir ki, hadisə əks olunan qalmaqallı kadrlar sosial şəbəkələrdə yayıldıqdan sonra polis əməkdaşları Ədirnə kənd təsərrüfatı və Meşə Təsərrüfatı İdarəsi ilə birgə həmin məkanda yoxlama həyata keçiriblər.

Zavodun işçisi etdiyi əmələ görə 21 296 TL (təxminən 2500 manat) məbləğində cərimə olunub.

Kadrlardan da göründüyü kimi, fəhlələr gigiyena qaydalarına riayət etmirdilər.

Məkanın sahibi Onur Mersin hadisənin yalan üzərində şantaj məqsədilə qurulduğunu bildirib:

"Bu video işçilərimi aldadaraq, onlara pul verməklə çəkilib. Əlimdə sənəd və sübutlar var. İşçilərimlə əlaqəmin yaxşı olduğunu bilirdilər. Həmin şəxs bundan sui-istfadə edərək, işçilərimlə zarafatca unu yerə dağıdıb çəkməklərini və mənə göstərməklərini istəyib. Bunun müqabilində isə onlara pul verəcəyini vəd edib. Bundan sonra məni şantaj etməyə və pul istəməyə başladılar. İmtina etdikdə isə görüntüləri yaydılar".

Hazırda məsələ ilə bağlı yoxlama davam etdirilir.

<div style="position:relative;padding-bottom:56.25%;height:0;overflow:hidden;">

Aysel Quliyeva

Telegramda izləyin