Parkda pul dolu çanta tapdı - Sahibi görün kim çıxdı...

Türkiyənin Muğla şəhərində bələdiyyə işçisi Ali Eren parkda güllərə qulluq edərkən skamyanın üstündə qara əl çantası tapıb.

Sonxeber.az xarici mətbuata istinadən bildirir ki, həmin şəxs çantanı açan zaman içindən küllü miqdarda pulun olduğunu görüb.

Ali E. nümunəvi davranış göstərərək bu barədə polisə məlumat verib. Əraziyə gələn polis əməkdaşları çantanın içində 12 400 dollar ilə 2 400 TL (təxminən 1440 manat), 3 kredit kartı və alış-veriş çeki aşkarlayıblar.

Araşdırmalar nəticəsində çantanın sahibi tapılıb. Adının açıqlanmasını istəməyən şəxs çantanı tapan adama təşəkkür etmək üçün 400 dollar hədiyyə edib.

Lakin çantanı götürmək üçün polis bölməsinə gələn şəxsin şübhəli davranışları diqqət çəkib.

Araşdırma nəticəsində onun İsveçdə narkotik qaçaqmalçılığı səbəbilə axtarıldığı ortaya çıxıb.

Çantanı götürüb gedəndən sonra şübhəli şəxs izlənilib. Onun evinə baxış zamanı 2 ədəd sənədsiz silah və tapança tapılıb.

Qeyd edək ki, həmin şəxsin saxta şəxsiyyət vəsiqəsi olduğu müəyyən edilib.

Məhkəmə qərarından sonra o saxlanılıb.

Aysel Quliyeva

Telegramda izləyin