Polisin 13 yaşlı uşağa qarşı qəddarlığı etiraz doğurdu - VİDEO

Almaniyanın Duysburq şəhərində yaşayan 13 yaşlı Emirhan Altıntaş seçki qabağı banneri pozması nəticəsində polis məmurları tərəfindən şiddətə məruz qalıb.

Sonxeber.az xarici mətbuata istinadən bildirir ki, uşaq qandallanmış şəkildə polis məntəqəsinə aparılıb.

Sosial şəbəkələrdə yayılan kadrlarda qeyd olunub ki, Altıntaş saxlanılan zaman ağlasa da, polislər buna əhəmiyyət verməyiblər.

Hadisədən sonra Emirhan Altıntaşın atası Mustafa Ercin Altıntaş oğlunun baş, boyun və arxa tərəfində zərbə izlərinin olduğunu bildirib.

Ata 13 yaşlı uşağı qandallı halda bölməyə gətirməyin qeyri-qanuni olduğu üçün polisləri məhkəməyə vermək niyyətindədir.

Mustafa Ərcin Altıntaş vurğulayıb ki, Əmirxananın olduğu kadrlar polisin zorakılığı nəticəsində həlak olmuş amerikalı qaradərili Corc Floydu xatırladır. O, həmçinin əlavə edib ki, hadisədən sonra uşağın psixologiyası pozulub və oğlu daim ağlayır.

Aysel Quliyeva

Telegramda izləyin