Rusiya Zelenskiyə "dərhal yerinə yetirməli olduğu" iki tələb qoydu

Rusiya Dövlət Dumasının rəhbəri Vyaçeslav Volodin gözlənilmədən Ukrayna prezidenti Vladimir Zelenskiyə iki şərt irəli sürüb.
Bu barədə "RİA Novosti" məlumat yayıb.
Volodin deyib ki, Zelenski Ukrayna vətəndaşlarını düşünürsə dərhal bu tələbləri yerinə yetirməlidir:
"Birincisi, qoşunları "Donetsk və Luqansk Xalq Respublikaları"nın ərazisindən çıxarın. İkincisi, müqavilə əsasında Krımdan imtina edin və NATO-ya üzv olmayacağınıza dair təminat verin. Eləcə də ölkənin denazifikasiyası və demilitarizasiyası üzrə öhdəlikləri müəyyənləşdirin".
Dövlət Dumasının rəhbəri həmçinin bildirib ki, Zelenski Ukraynanın hələ də danışıqlar yolu ilə müharibəni dayandırmaq cəhdindən əl çəkmədiyini söyləyərkən vaxt qazanmaq istəyir. O bildirib ki, Ukrayna bu vaxtdan NATO-dan hərbi yardım almaq üçün istifadə edir.

Telegramda izləyin