Qırğızıstan Prezidenti Azərbaycana səfər edəcək

Qırğızıstan Prezidenti Sadır Japarov Azərbaycana rəsmi səfər edəcək.

Sonxeber.az xarici mətbuata istinadən bildirir ki, bunu Qırğızıstan Respublikası Prezident Administrasiyasının xarici siyasət şöbəsinin müdiri Jeenbek Kulubayev deyib.

Onun sözlərinə görə, səfər aprelin 19-20-də baş tutacaq.

Qırğızıstan Prezident Administrasiyasının rəsmisi bildirib ki, dövlət başçıları ikitərəfli və çoxtərəfli əməkdaşlığın aktual məsələlərini, həmçinin gələcəkdə inkişaf və səmərəli əməkdaşlığın qurulması perspektivlərini müzakirə edəcəklər.

Əlavə olaraq, Azərbaycanla Qırğızıstan arasında Strateji Əməkdaşlıq barədə Bəyannamənin, həmçinin, Dövlətlərarası Şuranın yaradılması barədə Memorandumun imzalanması gözlənilir.

Aysel Quliyeva

Telegramda izləyin