Yaponlar yeməyi duzlandıran elektrik çubuqlar yaratdı

Yapon araşdırmaçılar insan sağlamlığına yardımçı ola biləcək yeni maraqlı kəşfə imza atıblar.

Qaynarinfo bu barədə "The Guardian"a istinadla xəbər verir.

Yaponiyada bir çox yeməklərdə sodium qəbulunu azaltmaq üçün zəif cərəyanla yeməkdə duz dadını suni şəkildə artıran elektron çubuq yaradıblar.
Çubuqlar biləyə taxılan elektrikli stimulyator və mini kompüter vasitəsilə işləyir.

Çubuqları ərsəyə gətirən komandanın üzvlərindən Tokionun Meiji universitetinin professoru Homey Miyaşita yeni alətin çubuqlar vasitəsilə qidadakı sodium ionlarını ağıza ötürdüyü və orada duzluluq hissi yaratdığını bildirib.

Alətin gələn ilə kütləvi istehsalına başlanılacağı gözlənilir.

Yaponiyada yeməklər miso və say sousu kimi inqrediyentlərin geniş istifadəsinə görə çox duzlu olur. Buna görə də yeni çubuqların böyük əksəriyyət tərəfindən yaxşı qarşılanacağı gözlənilir.

Yaponiyada orta statistik bir yetkin insan gündə 10 qram duz qəbul edir. Bu, Dünya Səhiyyə Təşkilatının tövsiyə etdiyi normadan iki dəfə çoxdur.
Yapon Səhiyyə Nazirliyi kişilər üçün gündəlik duz qəbulunu 7.5, qadınlar üçün isə 6.5 qrama salmağı təklif edir.

Çoxlu duz qəbulu yüksək qan təzyiqi yaradır.

Telegramda izləyin