Azərbaycanlı deputat erməni həmkarını belə SUSDURDU - VİDEO

Avropa Şurası Parlament Assambleyasının dünən keçirilən sessiyasında erməni deputat Vardanyan Mövlud Çavuşoğlunun "bozqurd" işarəsini terroru dəstəkləmək kimi təqdim edib. Azərbaycandan olan deputat Kamal Cəfərov erməni deputatlarının Mövlud Çavuşoğlu haqqında ittihamlarına bozqurd işarəsi ilə cavab verib.

Digər azərbaycanlı millət vəkili Səməd Seyidov isə ermənilərin cavabını anında ingilis dilində layiqincə verib.

Sonxeber.az bildirir ki, o, öz çıxışında erməni həmkarlarını belə tənqid edib:

"Niyə mənim həmkarlarım qeyd etməyiblər ki, Türkiyə xarici işlər naziri Mövlud Çavuşoğlu fiziki olaraq hücuma məruz qalıb?! Niyə onlar qeyd etməyiblər ki, Yerevanın mərkəzində faşist nümayəndəsi olan Njdenin heykəli ucaldılıb?! Niyə onlar qeyd etməyiblər ki, hələ də Azərbaycanda bir milyon qaçqın var?! Onlar hələ də azad olunan torpaqlara qayıda bilmirlər, çünki ölkəmin ərazisini minalarla doldurublar. Hələ dünənin özündə azərbaycanlılar bizim ərazimizdə bu minalar vasitəsi ilə öldürülüblər. Azərbaycan Prezidenti İlham Əliyev və Ermənistan Baş Naziri Nikol Paşinyanın Brüsseldə Şarl Mişelin himayəsi ilə razılaşdıqları sülh prosesi ilə bağlı hesabat hazırlamışam. Mən bu sülh barədə danışacaqdım. Çünki yeni reallıq bizə bu sülhü yaratmaq üçün qızıl imkanlar verib. Çox qəribədir ki, sizin Baş nazir Azərbaycanın təklifləri ilə razı olduqlarını, onları qəbul etməyə hazır olduqlarını deyib. İndi isə erməni heyətinin nümayəndəsi onların Baş nazirinin mövqeyinin əksinə, regionda sülh axtaran ermənilərin milli maraqlarının əleyhinə danışır. Azərbaycan isə bu sülh naminə hər şeyi edib və edəcək!"

Həmin çıxışı daha ətraflı aşağıdakı videodan izləyə bilərsiniz:

ZAİRA AKİFQIZI
NATƏVAN BAXŞİYEVA

Telegramda izləyin