Putindən yeni qərar - QƏRBİ QORXUDAN ADDIM

Ukrayna müharibəsi səbəbindən hərbi kadr çatışmazlığı yaşadığı iddia edilən Rusiya orduya qatılma yaşı ilə bağlı qanunu dəyişmək üçün hərəkətə keçib. Edilən dəyişikliklə 40-45 yaş arası rusların orduya getməsinə icazə veriləcək. Dövlət Dumasının yeni addımı Qərbdə "Rusiya daha böyük münaqişələrə hazırlaşır" kimi narahatlıqlara səbəb olub.

Fevralın 24-də Ukraynaya qarşı başladığı müharibədə gözlədiyini tapa bilməyən və ciddi hərbi itkilər verən Rusiya son günlər bir-birinin ardınca ani qərarlar verir. Donbas müharibəsi üçün cəbhəyə gətirilməyən silahlarını üzə çıxaran Moskva rəhbərliyi indi orduya getmək yaşı ilə bağlı qanunun ləğvi üçün hazırlıq görür.

Rusiyada 18-40 yaşlı ruslar və 18-30 yaşlı əcnəbilər müqaviləli hərbi xidmət üçün orduya müraciət edə bilərlər. Hakim "Vahid Rusiya" partiyası mövcud yaş məhdudiyyətini aradan qaldırmaq üçün düyməni basıb.
Rusiya Dövlət Dumasının verdiyi açıqlamada yüksək dəqiqlikli silahların istifadəsi üçün peşəkar mütəxəssislərə ehtiyac olduğu bildirilib və bu şəxslərin 40-45 yaş arasında olduğu vurğulanıb.

Dəyişiklik orduya yaşlı mütəxəssislərin bacarıqlarından istifadə etməyə və Rusiyanın Ukrayna müharibəsində üzləşdiyi kadr çatışmazlığından qaçmağa imkan verəcək.

Qanunvericilər deyirlər ki, təklif olunan dəyişiklik mülki həkimlərin, mühəndislərin və əməliyyat mütəxəssislərinin işə götürülməsini də asanlaşdıracaq.

Moskvanın son addımı "daha ​​böyük münaqişələrə hazırlıq" kimi şərh edilsə də, hərbi analitiklər bildirirlər ki, Ukraynada müharibənin sonsuz münaqişəyə çevrilməsi ilə Rusiya ciddi əsgər və texnika itkiləri ilə üzləşir və kadr boşluğunu doldurmağa çalışır.

Dövlət Dumasının qanunvericilik dəyişikliyi yüzlərlə əsgərin Rusiyanın "xüsusi hərbi əməliyyat" adlandırdığı yerdə döyüşmək istəməməsi ilə bağlı xəbərlərlə birlikdə müşahidə olunur.

Hərbi analitik Rob Li, mövzu ilə bağlı verdiyi açıqlamada, "Rusiyanın davamlı fırlanma üçün kifayət qədər quru bölmələri yoxdur. Qoşunlar tükənir, buna uzun müddət davam edə bilməyəcəklər" deyib.

The Guardian bu gün dərc olunan məqaləsində yazıb ki, Rusiya müqavilə ilə işə götürmə səylərini sakitcə gücləndirib. BBC Rusiya Müdafiə Nazirliyinin heç bir müharibə təcrübəsi olmayan insanlara sərfəli müqavilələrlə orduya qoşulma imkanları təqdim etdiyini iddia etsə də, bəzi böyük dövlət şirkətlərinə şəxsi heyətini orduya yazdırmaq üçün məktublar göndərildiyi iddia edildi.

Telegramda izləyin