Ukrayna müharibənin qalib tərəfidir: Qələbə nə vaxt elan ediləcək?

"Almaniya Ukraynaya yardımı dayandırmadı, prosesi sadəcə yavaşlatdı".

Sonxeber.az xəbər verir ki, bunu Milli.Az-a açıqlamasında Ukrayna Diplomatiya İnstitutunun mütəxəssisi, siyasi ekspert Nikolay Spiridonov deyib.

O bildirib, Ukraynanın əsas məqsədi ən azı bu ilin fevralın 24-ə kimi sərhədləri bərpa etmək idi:

"Ukraynanı silahlandırmaq davam edir, Almaniya müxtəlif tipli haubitsaları tədarük edir və Ukrayna əsgərlərinə onlardan istifadəni öyrədir.

Ukrayna və Rusiya arasında müharibə müvəffəqiyyətlə davam edir. Ukrayna Xarkov yaxınlığında, Rusiya isə Luqansk vilayətində ciddi irəliləyiş əldə edib.
Ümumiyyətlə, Ukrayna ordusu qondarma ordudan heç də geri qalmır. Ukrayna hazırda "Dünyanın ikinci ordusu"na qarşı döyüşür, lakin buna baxmayaraq Ukraynaya müasir silahların tədarükü dinamikasının azalması savaşın nəticələrinə bir çox məqamda təsir göstərir. Nəticədə Ukrayna Silahlı Qüvvələrinin tammiqyaslı əks-hücumları hələ də təxirə salınır.

Kiyevin əsas məqsədi ən azı 24 fevral 2022-ci il tarixindən etibarən sərhədlərə qayıtmaq idi. Amma hələ ki bu istək baş tutmur.

ABŞ, Aİ və Ukraynanın maraqları bəzi nüanslarla əsasən üst-üstə düşür. Rusiya açıq-aydın öz məqsədlərinə çatmayıb, hətta təqribən heç bir effektiv nəticə də əldə etməyib.

Daha doğrusu, Ukrayna müqavimət göstərmək üçün fenomenal iradə nümayiş etdirərək artıq qalib tərəfdir. Bununla belə, son qələbəyə hələ bir neçə ay var və bu, asan olmayacaq".

Telegramda izləyin