Azərbaycanda müşahidə edilən FAKTİKİ HAVA

Azərbaycanda müşahidə olunan faktiki hava şəraiti açıqlanıb.

Milli Hidrometeorologiya Xidmətindən bildirilib ki, iyulun 4-ü saat 14:00-a olan məlumata əsasən, hava şəraiti əksər rayonlarda əsasən yağmursuz keçib, lakin bəzi yerlərdə şimşək çaxıb, arabir yağış yağıb, Böyük Qafqazın bəzi yerlərində leysan xarakterli intensiv olub.

Gecə saatlarında başlayan yağış nəticəsində 4 iyul saat 04:00-05:00 radələrində Zaqatala rayonu ərazisindən axan Qaraçaydan (Böyükçay), Talaçaydan, Qımırdan, Qımırbazar kəndindən sel keçmiş və hal-hazırda davam edir.

Düşən yağışın miqdarı: Balakəndə 83 mm (aylıq normanın 108%-i), Zaqatalada 80 mm (aylıq normanın 104%-i), Sarıbaşda (Qax) 22 mm, Kişçayda (Şəki) 16 mm, Astarada 14 mm, Qəbələdə 10 mm, İsmayıllıda 9 mm, Xınalıqda 8 mm, Altıağac, Xaltanda 7 mm, Qrızda 5 mm, Bərdədə 4 mm, Şahdağ, Qobustanda 3 mm, Ləzə (Qusar), Oğuzda 2 mm, Ağdamda 1 mm olub.

Şahdağda qar yağıb, qar örtüyünün hündürlüyü 1 sm olub.

Qərb küləyi arabir Naftalanda 20 m/s, Bakıda və Abşeron yarımadasında 15-17 m/s-dək güclənib.

Neft Daşları stansiyasının məlumatına əsasən dalğanın hündürlüyü 2,7 metrə çatıb.

Telegramda izləyin