İmtahandan zəif nəticə yoxsa telefon asılılığı?-ARAŞDIRMA

Xəbər verdiyimiz kimi, Göyçay rayonunda dünən gecə saatlarında 11-ci sinif şagirdi Allahverdiyev Ayxan Fariz oğlu yaşadığı evin həyətində özünü asıb.
Yayılan məlumatlara görə məktəblinin intihar etmə səbəbi imtahandan az bal yığması olub.

Məsələ ilə bağlı Sonxeber.az saytı Dövlət İmtahan Mərkəzi ilə əlaqə saxlayıb.

DİM həmin məlumatı təkzib edib.

Bildirilir ki, 11-ci sinif məzunları arasında elə ad,soyadlı şagird yoxdur. Güman edilir ki, həmin şagird 10-cu sinifi bitirib və imtahan verməyib.

Qeyd edək ki, kənd sakinlərinin sözlərinə görə, Ayxan zəif gördüyü üçün gözlükdən istifadə edirdi. O, valideyni ilə Bakıya oftalmoloqun yanına gedib, həkim ona telefondan az istifadə etməyi tövsiyə edib.

Mövzu ilə bağlı Sonxeber.az saytına psixoloq Edison Quliyev açıqlama verib.

O bildirib ki, telefon ilə əlaqədar olan emosional gərginlik onun həyatında olan ümumi stressi oyadıb. Stressin çoxlu səbəb ola bilər. Gəncin kompleksləri və ya başqa problemləri də ola bilər. Uşağın telefona qədər olan problemlərini, ailə daxili münasibətləri və ya uşağın psixoloji vəziyyətinə nəzər yetirilməli idi.

Psixoloq belə vəziyyətlərdə necə davranmaq lazım olması ilə bağlı valideynlərə də müraciət edib. Ailələr naliyyətsizlik sindromu ilə övladlarını yükləməməlidir. Filankəsin uşağı səndən yaxşı qiymət aldı, başqasının uşağı səndən üstündür kimi ifadələr ilə onlara psixoloji təzyiq eləmək olmaz. Uşaqlarla daim ünsiyyətdə olub, onlara qarşı diqqət göstərmək lazımdır.

AYSEL QULİYEVA

Telegramda izləyin