Nadir xəstəlik ucbatından Konnektikut sakini canlı heykələ çevrilib

"O, səyahət etməyi, dostları ilə konsertlərə getməyi və gəzməyi arzulayıb, lakin..."

Nadir genetik xəstəlik Amerikanın Konnektikut sakinini canlı heykələ "çevirib".

Moderator.az xəbər verir ki, bu barədə "The Mirror" nəşri yazıb.

29 yaşlı Casmin Floyd fibrodisplaziya xəstəliyindən əziyyət çəkir, bu xəstəlik birləşdirici toxumalarının sümükləşməsini törədir.

Son iki ildə qadın yatağa düçar edilib, çünki xəstəlik onun hərəkət etmək qabiliyyətinə təsir göstərməyə başlayıb.

Bu xəstəlik amerikalı 5 yaşında olarkən aşkar edilib, lakin ilk vaxtlar xəstəlik özünü, demək olar ki, büruzə verməyib.

İlk ciddi kəskinləşmə 2019-cu ildə baş verib. Floyd ilyarım xəstəxanada keçirməli olub və o zamandan onun həyatı tamamilə dəyişib.

O, səyahət etməyi, dostları ilə konsertlərə getməyi və gəzməyi arzu edib, lakin xəstəlik onu belə imkanlardan məhrum edib.

Hazırda qadın hərəkət edə və ya ayaq üstə dayana bilmir, daimi ağrılardan əziyyət çəkir. Günün çox hissəsini yataqda keçirir və yalnız bir neçə saata ayağa qalxır. Ən sadə gündəlik işləri icra etmək üçün o, əvvəlcədən ciddi surətdə planlaşdırmalıdır.

Müalicədən sonra Floyd yaxşılığa doğru dəyişikliklərə ümid edib, lakin praktikada xəstəliyin inkişafı azalmayıb.

Qadın uzun müddət yataqda olduğundan onda venoz dermatit inkişaf edib. Hərəkətsizlikdən qadının ayaqları tünd qırmızı olub və o, güclü ağrılardan əziyyət çəkir.

Fibrodisplazıya sağalmaz xəstəlikdir, bu zaman birləşdirici toxuma, vətərlər, bağlar və əzələlər getdikcə sümüklə əvəzlənir.

Bu, milyonda bir insanda rast gəlinir. İndiyədək 900 belə hallar müşahidə edilib.

Fobrodisplaziya müxtəlif amillərlə-travmalar, əzilmələr, əzələ dartınması və yorğunluqdan kəskinləşə bilər.

Belə pasientlər təxminən 56 il ömür sürür, lakin belə pasientlərin əksəriyyətinə artıq 30 yaşında qismən və ya tam qulluq lazım olur.

Telegramda izləyin