Şri-Lanka prezidenti "qonşuya keçib"

Şri Lanka Prezidenti Qotabaya Rajapaksa ölkəni tərk edib və çərşənbə günü qayıdacaq.

Bu barədə "Newswire" xəbər portalı Şri-Lanka parlamentinin spikeri Mahinda Yapu Abeivardenə istinadən məlumat yayıb.

Spikerin sözlərinə görə, Şri-Lanka Prezidenti "qonşu ölkədədir". Bundan əvvəl bildirilmişdi ki, Rajapaksa istefasını iyulun 13-də elan etmək niyyətindədir.

Şri Lanka Prezidentinin Ofisi bildirib ki, Rajapaksa adından rəsmi açıqlamalar Abeivarden tərəfindən veriləcək.

Hazırkı dövlət başçısının harada olduğu şənbə günündən, minlərlə etirazçının onun istefasını tələb edərək Kolombo küçələrinə çıxmasından bəri dəqiq məlum deyil. Etirazçılar onun iqamətgahını, sonra isə baş nazirin iqamətgahını ələ keçiriblər. Bundan sonra Şri-Lanka hökumətinin başçısı Ranil Vikramasinqh vəzifəsini tərk edəcəyini açıqlayıb.

Rajapaksa iyulun 13-də istefa vermək niyyətindədir./Oxu.az

Telegramda izləyin