PİRSİNQ QURBANLARI: Dodağını deşdirdikdən sonra ÖLDÜ - FOTO

Braziliyanın Doradus şəhərinin 20 yaşlı sakini Andressu Souza pirsinq etdirdikdən sonra beyin infeksiyasından ölüb.

Sonxeber.az BiG.AZ-a istinadən xəbər verir ki, bu barədə "The Mirror" yazır.

Belə ki, salonların birində Andressunun dodağını deşdirməsi infeksiya, sepsis və beyinin ağır zədələnməsinə səbəb olub. Qadın xəstəxanaya yerləşdirilib, 24 gün reanimasiyada qaldıqdan sorna isə vəfat edib.

Həkimlərin sözlərinə görə, infeksiya qadının beyninin 37 faizini zədələyib. O, sağ qalsaydı belə, hərəkətsiz, vegetativ vəziyyətdə olacaqdı.

Qadının 47 yaşlı anası Mariya Aparesida de Silva Oliveyra infeksiyanın qana keçib beyinə çatdığını bildirib.

Onun sözlərinə görə, Souza ağzındakı şişlər səbəbindən dodaqlarını tərpədə bilməyib.

Qızın anası onu da qeyd edib ki, Andressu pirsinqə 58 braziliya realı (təxminən 18 manat) ödəyib, lakin salonun bu cür prosedurların aparılması üçün lisenziyasının olub-olmadığı bilinmir.

Ailəli olan Souzanın 3 yaşlı oğlunun olduğu bildirilir.

Oxşar hadisə daha öncə də, Braziliyanın Minas-Jerays ştatında baş verib. Burada qaş pirsinqi etdirdikdən sonra bədəninə infeksiya düşdüyü üçün 15 yaşlı qızın ürəyi dayanıb. Həkimlərin sözlərinə görə, o, sağ qalsaydı belə, görmə qabiliyyətini itirə bilərdi.

Telegramda izləyin