106 yaşlı qadın uzunömürlülüyünün alkoqollu sirrini açıqlayıb...

106 yaşlı qadın uzunömürlülüyünün alkoqollu sirrini açıqlayıb...

"O, zarafat etməyi xoşlayır və maraqlı, ibrətamiz tarixçələr bilir..."

"İki dəfə ərdə olan qadının ilk nikahından bir qızı var..."

"Minni hər axşam bir bokal ağ şərab içir və bir dəst çips yeyir..."

Böyük Britaniyanın 106 yaşlı sakini növbəti doğum gününü qeyd edib və onun uzunömürlülüyünə alkoqol içkisi və qəlyanaltının olduğunu deyib.

Moderator.az xəbər verir ki, bu barədə "Worksop Guardian" nəşri məlumat yayıb.

Nottinqemşir qraflığının Uorksop şəhərində yaşayan Hanna Marş iyulun 11-də 2019-cu ildən məskunlaşdığı "Westwood Care Home" qocalar evində əlamətdar gününü qeyd edib.

Pansionat nümayəndəsinin sözlərinə görə, 106 yaşlı qadın qocalar evinin əməkdaşları və burada yaşayanların sevimlisinə çevrilib. Çünki o, zarafat etməyi xoşlayır və çoxsaylı maraqlı və ibrətamiz tarixçələr bilir.

Qadın hamıdan onu, sadəcə, Minni adlandırmağı xahiş edir, belə ayamanı o, hələ birinci dünya savaşında qazanıb.

"Biz tez-tez ondan 106 il yaşamasının sirrini açmağı xahiş edirik. O isə cavabında deyir ki, hər axşam bir bokal ağ şərab içir və bir dəst çips yeyir", - "Westwood Care Home" evinin əməkdaşı deyib.

Orta məktəbi bitirdikdən dərhal sonra Marş kinoteatrda kassir işinə düzəlib.

İkinci dünya savaşı illərində döyüş sursatı istehsalı üzrə zavodda işləyib, sonra yenidən kassa arxasına dönüb.

Qadın iki dəfə ərdə olub, birinci nikahdan bir qızı var.

Uzunömürlü qadını çoxsaylı dostları və qohumları təbrikə gəlib, qocalar evinin administrasiyası isə səbəbkar üçün müxtəlif hava şarlarından və böyük gül dəstəsindən ibarət gecə təşkil edib.

Telegramda izləyin