İtləri avtomobilə bağlayıb sürüyən şəxs müəyyən edildi - YENİLƏNİB + VİDEO

Bərdə Rayon Polis Şöbəsinin (RPŞ) əməkdaşları tərəfindən keçirilən tədbirlərlə heyvanları idarə etdiyi avtomobilə bağlayaraq sürüyən şəxsin Bərdə rayon sakini Nəsib Həsənov olduğu müəyyən edilib.

Bununla bağlı Sonxeber.az-a açıqlamasında DİN-in Mətbuat Xidmətinin Bərdə regional qrupunun baş inspektoru, polis baş leytenantı Aslan Qiyaslı məlumat verib.

Onun sözlərinə görə, N.Həsənov öz izahatında heyvanları evinin yaxınlığında ölü olaraq tapdığını və yaşadığı kənddəki zibil tullantılarının atıldığı əraziyə apardığını bildirib.

Məsələ ilə bağlı Bərdə RPŞ-də araşdırmalar davam etdirilir.

12.09
Bərdə rayonunda heyvana qarşı daha bir işgəncə faktı qeydə alınıb.
Sosial şəbəkədə həmin görüntülər böyük etirazlara səbəb olub.
Sonxeber.az məsələni araşdırmaq üçün Daxili İşlər Nazirli ilə əlaqə saxlayıb.
DİN-dən verilən məlumata əsasən, heyvana qarşı zorakılığı əks etdirən görüntülərlə bağlı araşdırma başlayıb.
"Heyvana qarşı zorakılığı əks etdirən görüntülərlə bağlı araşdırma başlayıb. Araşdırmanının nəticəsindən asılı olaraq əmələ hüquqi qiymət veriləcək və ictimaiyyət məlumatlandırılacaq".

AYSEL QULİYEVA

Telegramda izləyin