İxtisas seçimi edənlərin NƏZƏRİNƏ: Ekspertlər abituriyentləri səhv istiqamətə yönəldir?
Dövlət İmtahan Mərkəzi ali və orta ixtisas təhsili müəssisələrinə ixtisas seçimi edən şəxslərə müraciət edib.
Mərkəzdən verilən məlumatına görə, ixtisas seçimi yaxınlaşdıqca yenə də "Facebook" və xüsusilə "Instagram" sosial şəbəkələrində ayrı-ayrı şəxslər özlərini ekspert kimi təqdim edərək abituriyentlərə ödəniş müqabilində ixtisas seçimi həyata keçirə biləcəklərini yazırlar.
Qeyd olunub ki, həmin şəxslərin istifadəçilərin suallarına verdikləri cavablara diqqət yetirdikdə onların abituriyentləri səhv istiqamətə yönəltdikləri, yanlış cavablar verdikləri məlum olur:
"Abituriyentlər ixtisas seçimi zamanı diqqətli olmalı, bu tip şəxslərin aldadıcı çağırışlarına əhəmiyyət verməməli və ən əsası ixtisas seçimini özləri həyata keçirməlidirlər. Bəzən abituriyentlər bu işi başqalarına həvalə edirlər. Lakin həmin şəxslər bir çox hallarda yanlış seçim edir və ya ixtisas seçimi ərizəsini ümumiyyətlə təsdiq etmirlər. Bu isə arzuolunmaz hallara gətirib çıxarır".
"Abituriyentin elektron ixtisas seçimi ərizəsi"nin doldurulma qaydası "Abituriyent" jurnalının müvafiq nömrələrində dərc olunur. Burada, həmçinin qəbul aparılan ixtisaslar, onların kodları göstərilir.
Ali təhsil müəssisələrinə qəbul imtahanlarının nəticələri elan olunduqdan sonra hər ixtisas qrupu üzrə ayrıca "İxtisas seçimi zamanı nələrə diqqət yetirməli?" adlı vəsaitlər nəşr olunur. Burada abituriyentlərin imtahan ballarının paylanması, eləcə də ali təhsil müəssisələrinə ixtisas qrupları üzrə qəbul planı, dövlət sifarişi üzrə yerlərin sayı, müsabiqə şərtləri və digər zəruri məlumatlar təqdim olunur.
Bundan əlavə, hər il olduğu kimi bu il də "Abituriyent Məsləhət Mərkəzləri" fəaliyyət göstərir. Müsabiqə şərtini ödəyən abituriyentlər müəyyən olunacaq vaxtlarda "Abituriyentin elektron ixtisas seçimi ərizəsi"nin doldurulma və təsdiq edilmə qaydası, müsabiqə şərtləri, ixtisas seçimi zamanı diqqət yetirilməli olan vacib məsələlər və s. haqqında ödənişsiz fəaliyyət göstərən "Məsləhət mərkəzləri"nə müraciət edə bilərlər. Məsləhət mərkəzləri Dövlət İmtahan Mərkəzinin Naxçıvan, Göyçay, Şəki, Xaçmaz, Lənkəran, Gəncə, Şirvan, Bərdə və Şəmkir regional bölmələrində, Bakı şəhəri üzrə isə Qərbi Kaspi, Azərbaycan, Avrasiya, Bakı Biznes, Odlar Yurdu, Memarlıq və İnşaat Universitetində fəaliyyət göstərirlər.
Ali və orta ixtisas təhsili müəssisələrinə ixtisas seçiminin tarixləri müəyyən olunan kimi ictimaiyyətə məlumat veriləcək.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Azərbaycanda bu şəxslərin maaşı artırılır
Türkiyə səhəri GÜCLÜ ZƏLZƏLƏ ilə açdı
Məsud Pezeşkian İlham Əliyevə zəng edib
Ər-arvadın adlarına görə xoşbəxt olub-olmayacağını necə müəyyən etməli?
Nazirlər Kabineti İranla bağlı qadağanı ləğv etdi
SON DƏQİQƏ - İrandan Türkiyəyə atılan ballistik raket məhv edildi
"Qarabağ"ın yeni transfer hədəfi bəlli oldu
Tahir İmanov vəhhabi olması iddialarına ilk dəfə cavab verdi
Tolikdən onu əvəzləyən aparıcı ilə bağlı sərt xəbərdarlıq: "Şəkillərimi..."
İlham Əliyev Müctəba Xameneyini İranın ali rəhbəri seçilməsi münasibətilə təbrik edib
İranda ölənlərin sayı açıqlandı - RƏSMİ
Acun ondan üzr istədi
Trampdan Xameneinin oğlunun seçilməsinə ilk reaksiya
İranlılara zəhərli yağışlar barədə XƏBƏRDARLIQ
Emmanuel Makron Prezident İlham Əliyevə zəng edib