DİN-dən iranlı sürücünün cərimələrinin Azərbaycandakı şirkətin maşınına gəlməsi ilə bağlı AÇIQLAMA - YENİLƏNİB

İram İslam Respublikasına məxsus TIR-ın cəriməsi, KİA markalı avtomobilə gəlməsi ilə bağlı məsələ aydınlaşdırılıb.

Baş Dövlət Yol Polisi İdarəsinin İctiamiyyətlə əlaqələr şöbəsindən Oxu.Az-a verilən məlumata görə, hadisə texniki səhv ucbatından baş verib və problem dərhal aradan qaldırılıb.

16:44

47-AA-105 dövlət nömrə nişanlı, KİA markalı avtomobilin sahibi bildirir ki, eyni nömrəli İran İslam Respublikasına məxsus TIR-ın cərimələri ona gəlir.

Avtosfer.az xəbər verir ki, şikayət videosu yayımlayan vətəndaş aidiyyəti qurumlardan kömək istəyib.

Vətəndaş deyir ki, bu hadisə dəfələrlə təkrarlanıb və hər dəfə də şikayət edərək cəriməni ləğv elətdirib.

"Bunun bir həlli yolu olmalıdır. İranlı sürücü nə vaxt ölkəyə gəlsə və qayda pozsa, onun cərimələri bizə gəlir. Əlavə vaxt itiririk. Xahiş edirəm, bu məsələyə birdəfəlik bir çarə tapılsın", - deyə vətəndaş qeyd edir.

Videonu təqdim edirik:

Telegramda izləyin