Yeni tədris ilindən Zəngilanda ilk dərslər başlayacaq

"Yeni tədris ili üçün Zəngilan rayonunun Ağalı kəndində zəng çalınacaq və müəllimlər tədrisə başlayacaq. Bu da bizi çox sevindirir. Bunun üçün Prezident İlham Əliyevə təşəkkür edirəm".

Sonxeber.az xəbər verir ki, bunu təhsil naziri Emin Əmrullayev "Azərbaycan Respublikasının 2022-2026-cı illərdə sosial-iqtisadi inkişaf Strategiyası" bağlı keçirdiyi brifinqdə deyib.

Nazir bildirib ki, həmin məktəbə artıq direktor təyinatı da olub. O, müəllimlərin seçiminə gəlincə deyib ki, nazirlik köç prosesinin başa çatmasını gözləyir: "Çünki məktəbdə nə qədər şagirdin tədris alacağını bilməliyik. Sevindirici fakt odur ki, müəllim sayı kifayət qədərdir".
AYSEL QULİYEVA

Telegramda izləyin