Avropa Liqası: Bu gün "Qarabağ"ın qrupdakı rəqibləri bəlli olacaq

Bu gün UEFA Avropa Liqasında qrup mərhələsinin püşkü atılacaq.

Sonxeber.az report-a istinadən xəbər verir ki, Türkiyənin İstanbul şəhərindəki mərasim Bakı vaxtı ilə saat 15:00-da başlayacaq.

Tədbirdə Azərbaycan təmsilçisi "Qarabağ"ın da qrupdakı rəqibləri müəyyənləşəcək. "Köhlən atlar" püşkatmaya 2-ci səbətdən qatılacaq.

1-ci səbət: "Roma", "Latsio" (hər ikisi İtaliya), "Mançester Yunayted", "Arsenal" (hər ikisi İngiltərə), "Braqa" (Portuqaliya), "Srvena Zvezda" (Serbiya), "Dinamo" (Kiyev, Ukrayna), "Olimpiakos" (Yunanıstan);

2-ci səbət: PSV, "Feyenoord" (hər ikisi Niderland), "Renn", "Monako" (hər ikisi Fransa), "Real Sosyedad" (İspaniya), "Qarabağ" (Azərbaycan), "Malmö" (İsveç), "Lüdoqorets" (Bolqarıstan);

3-cü səbət: "Şerif" (Moldova), "Betis" (İspaniya), "Midtüllan" (Danimarka), "Budö Qlimt" (Norveç), "Ferentsvaroş" (Macarıstan), "Yunion" (Berlin), "Frayburq" (hər ikisi Almaniya), "Fənərbağça" (Türkiyə);

4-cü səbət: "Nant" (Fransa), HİK (Finlandiya), "Şturm" (Avstriya), AEK (Larnaka), "Omoniya" (hər ikisi Kipr), "Yunion" (Belçika), "Sürix" (İsveçrə), "Trabzonspor" (Türkiyə).

Qeyd edək ki, Avropa Liqasında qrup mərhələsinə sentyabrın 8-də start veriləcək.

Telegramda izləyin