Lavrov qapı arxasında qaldı

BMT Baş Assambleyasının müzakirələrində iştirak etmək istəyən 56 rusiyalı diplomatın heç biri ABŞ-a giriş vizası almayıb. Rusiyanın xarici işlər naziri Sergey Lavrov da bu qadağanın təsir dairəsinə düşüb.

İndi Rusiyanın yeganə ümidi BMT Baş Katibi Antonio Quterreşədir. Rusiyanın BMT-dəki daimi nümayəndəsi Vasili Nebenzya Quterreşə müraciət edərək xarici işlər naziri Sergey Lavrovun da daxil olduğu Rusiya nümayəndə heyətinə və jurnalistlərə vizaların verilməsinə yardım etməyi xahiş edib. Lavrovun qapı arxasında qalması əslində Rusiyanın beynəlxalq məsələlərin müzakirəsindən kənarlaşdırılmasıdır.

Rusiyanın beynəlxalq münasibətlər sistemindən kənarlaşdırılması hər ötən gün daha da geniş miqyas alır. Rusiya isə bunun ictimai rəyə təsirini azaltmaq üçün üçüncü dünya ölkələrinin liderlərini və hələ də Kremlin nəzarət dairəsindən olan respubliaların başçılarını tez-tez Mokvaya çağırmaqla azaltmağa çalışır. Lakin bu da uzun sürməyəcək. Bir neçə aydan sonra Rusiya Federasiyasının subyektlərinin rəhbərləri belə Moskvaya getməkdən imtina edəcəklər. Çeçenistanın başçısı Ramazan Kadırovun "müddətsiz və uzun tətilə" çıxmaq haqqında açıqlaması bunun ilk xəbərçisidir.

Telegramda izləyin