Azarkeşin ürəyi tutdu, "Barselona"nın oyunu dayandırıldı

İspaniya La Liqasının "Kadis" – "Barselona" oyunu dayandırılıb.

Buna azarkeşlərdən birinin vəziyyəti səbəb olub.

Görüşün son 10 dəqiqəsində yan xəttə yaxınlaşan referi tribunadakı yaşlı fanatın halının pisləşdiyi üçün görüşü dayandırıb. Ürəyində problem yaranan tamaşaçıya yardım göstərilməkdə davam edir. "Kadis"in qapıçısı ona yardım məqsədilə defibrilyator da verib.

Oyun dayandıqdan sonra futbolçular meydanın mərkəzində yekun qərarı gözləyib. 102-ci dəqiqədə isə soyunub-geyinmə otağına yollanıb. Matçın davam etdirilməməsi ehtimalı da var.

Qeyd edək ki, oyun dayandırılan vaxt "Barselona" 2:0 hesabı ilə öndə idi.

Telegramda izləyin