Timsah və fillərdən canını qurtardı, ayaq və qolunu itirdi - FOTO-VİDEO

Zimbabvedən olan 43 yaşlı Uinders Sianene timsah və fillərin hücumundan sağ çıxsa da, ayaq və qolunu itirib.

BiG.AZ xəbər verir ki, bu barədə "Chronicle" yazır.

Belə ki, o, kiçik bir adaya balıq tutmağa getdikdə sahilə su içməyə fillər gəlib. Sianene onlardan uzaqlaşmaq üçün sahilin digər tayına üzmək qərarına gəlib. Lakin suda üzərkən o, sol ayağını kiminsə möhkəm sıxdığını hiss edib, çevriləndə isə timsahı görüb.

Timsah onun sol qolunu tutaraq qoparmağa çalışıb və suda çevrilməyə başlayıb.

Uşaqlıqdan belə hallarda nə etməyi öyrənən Uinders sağ əlini timsahın ağzına salaraq onun dilindən yapışıb. Bu hərəkət timsahlara ağrı verir. Timsah kişinin əlini buraxmasa da, artıq dartmayıb. Köməyə gələnlər timsahın ağzına ağac saldıqdan sonra Sianene əlini çıxara bilib.

Xəstəxanaya yerləşdirildikdən sonra isə yaralının ayaq və əli amputasiya olunub. Uinders, şikəst olsa da, sağ qaldığı üçün Allaha təşəkkür etdiyini deyib.

Telegramda izləyin