Ağamirzə Rəşad Dağlının qətl törətməsindən danışdı

"Bir saat əvvəl xəbəri gördüm. Bakıda yox idim. Rayona getmişdim, gələndə eşitdim".

Bu sözləri Axşam.az-a açıqlamasında meyxanaçı Ağamirzə Məmmədov deyib. bir İfaçı həmkarı Rəşad Dağlının qətl törətməsindən danışıb:

"Rəşadla çox yaxşı münasibətimiz var idi. Xəbəri oxuyub şoka düşmüşəm. Çox üzüldüm belə hadisənin yaşanmasına. Necə baş verib bilmirəm. Qətlə yetirdiyi şəxslə əvvəldən tanış olduqlarını bilmirdim, ilk dəfə adını eşitdim. Rəşad istedadlı meyxanaçıdır. Allah köməyi olsun. Ölənə rəhmət, həbsxanada olana isə kömək diləməkdən başqa əlimizdən heç nə gəlmir".

Ağamirzə meyxananı qalmaqallı sahə adlandıranlara isə "Hər bir sahədə söz-söhbətlər olur. Tək meyxana aləmindədir bu davalar? Bizim aləmimizdə olan mübahisələr xırda məsələlərdən yaranır: təkrar dedin, mənə imkan vermədin" sözlərini söyləyib.

Qeyd edək ki, meyxanaçı Rəşad Dağlı 1979-cu il təvəllüdlü İsgəndər Mehdiyevi qətlə yetirib. Hadisə Qaradağ rayonu, Lökbatan qəsəbəsində gecə saatlarında qeydə alınıb. Hadisəni törətdikdən sonra Rəşad Dağlı Yasamal rayonu Polis İdarəsinə gələrək təslim olub və qətli törətməsini etiraf edib. Mübahisəyə səbəb İsgəndər Mehtiyevin meyxanaçıya zəng edərək söyüş söyməsi olub.

Telegramda izləyin