Bu ölkə nefti pul əvəzinə qızılla satın alacaq

Qərbi Afrika ölkəsi Qana inflyasiyadan yayınmaq üçün neft məhsullarını qızılla satın alacaq.

Sonxeber.az xəbər verir ki, Qananın vitse-prezidenti Mahamudu Bawumia Facebook hesabından verdiyi açıqlamada yerli valyuta sedinin dəyər itirməsi və yaşayış xərclərinə səbəb olması səbəbindən neft alışı üçün yeni siyasət üzərində çalışdıqlarını bildirib.

Bavumia, neftin dollar əvəzinə qızıla dəyişdirilməsinin tədiyyə balansını kökündən dəyişdirəcəyini bildirib.

Bu qərarın Qana müstəqilliyini əldə etdikdən sonra həyata keçirdiyi ən mühüm iqtisadi siyasət dəyişikliyi olduğunu qeyd edən Bawumia, yeni siyasətin 2023-cü ilin birinci rübünün sonunda həyata keçiriləcəyini bildirib.

Qeyd edək ki, Böyük Səhradan cənubdakı Afrikada müstəqillik qazanan ilk ölkə olan Qana Cənubi Afrikadan qitənin ikinci ən böyük qızıl ehtiyatına sahib ölkədir.

Şəbnəm Lətifi

Telegramda izləyin