Ukraynada rus imperatriçasının heykəli söküləcək

Rusiya imperatriçası Yekaterinanın Ukraynanın Odessa şəhərindəki heykəli söküləcək. Odessa Şəhər Şurası heykəlin götürülməsi qərarını dəstəklədiyini açıqlayıb.
"İcraiyyə Komitəsinin üzvləri abidənin sökülməsi və onun Odessanın təsisçilərinə verilməsi haqqında qərar layihəsini dəstəklədilər" ,- deyə Odessa Şəhər Şurası cümə axşamı öz rəsmi Telegram kanalında qeyd edib.

Odessa meri Gennadi Truxanov bildirib ki, plebisit Odessa sakinlərinin əksəriyyətinin hazırda Rusiyanın zülmünün simvolu kimi görünən abidənin sökülməsinin tərəfdarı olduğunu göstərdikdən sonra o, şəxsən bu planı dəstəkləyib.

Sorğuda şəhərin bir milyona yaxın əhalisinin yalnız 8000-i iştirak edib.

Ötən aylarda fəallar heykəlin başına qırmızı papaq taxıb, onun əlinə asılmış kəndir qoyublar.

Şəbnəm Lətifi

Telegramda izləyin